സെപ്തംബറിൽ വൈദ്യുതി സർചാർജ്ജ് മൂന്ന് പൈസ

തിരുവനന്തപുരം: കെ.എസ്.ഇ.ബിയുടെ ജൂലായ് മാസത്തെ വൈദ്യുതി വാങ്ങൽ ചെലവിലെ അധികബാദ്ധ്യത നികത്തുന്നതിനായി സെപ്തംബറിൽ ഇന്ധന സർച്ചാർജ്ജ് ഈടാക്കും. പ്രതിമാസ ബിൽ ലഭിക്കുന്നവർക്ക് യൂണിറ്റിന് 3 പൈസയും ദ്വൈമാസ ബിൽ ലഭിക്കുന്നവർക്ക് യൂണിറ്റിന് 2 പൈസയുമാണ് സർച്ചാർജ്ജ്.
ആഗസ്റ്റിൽ പ്രതിമാസ, ദ്വൈമാസ ബിൽ ലഭിക്കുന്ന ഉപഭോക്താക്കൾക്ക് ഇന്ധന സർചാർജ്ജ് ഉണ്ടായിരുന്നില്ല. അതേസമയം ജൂലായിൽ പ്രതിമാസ ബിൽ ലഭിച്ചവർക്ക് സർചാർജ്ജ് ഒഴിവാക്കിയിരുന്നു. ജൂലായിൽ ദ്വൈമാസ ബിൽ ലഭിച്ചവർക്ക് യൂണിറ്റിന് ഒരു പൈസയായിരുന്നു സർചാർജ്ജ്.