മാതാ അമൃതാനന്ദമയിക്ക് എ.പി.ജെ. അബ്ദുൾ കലാം ഫൗണ്ടേഷൻ പുരസ്കാരം

കൊച്ചി: രാമേശ്വരത്തെ എ.പി.ജെ അബ്ദുൾ കലാം ഇന്റർനാഷണൽ ഫൗണ്ടേഷന്റെ 'ജനനി- 2026" വനിതാ ശാക്തീകരണ പരിപാടിയുടെ ഭാഗമായ പുരസ്കാരം മാതാ അമൃതാനന്ദമയിക്ക് നാളെ വള്ളിക്കാവ് അമൃതപുരിയിൽ നടക്കുന്ന ചടങ്ങിൽ ഗവർണർ രാജേന്ദ്ര ആർലേക്കർ സമർപ്പിക്കും. 24ന് വൈകിട്ട് 4ന് എറണാകുളം സെന്റ് തെരേസാസ് കോളേജ് ഓഡിറ്റോറിയത്തിൽ ജനനി -2026 പരി​പാടി​ മുഖ്യമന്ത്രി വി.ഡി. സതീശൻ ഉദ്ഘാടനം ചെയ്യും. മല്ലിക സുകുമാരൻ, ഉമ തോമസ് എം.എൽ.എ, ശ്വേത മേനോൻ, അഞ്ജു ബോബി ജോർജ്, ലെന, ഡോ. ടെസി തോമസ് തുടങ്ങിയവർ പങ്കെടുക്കും. എ.പി.ജെ അബ്ദുൾ കലാമിന്റെ കുടുംബാംഗങ്ങളും എത്തും.