പ്രധാന റെയിൽവേ സ്​റ്റേഷനുകളിൽ ചുമതല ഐ.ജിമാർക്ക്

തിരുവനന്തപുരം: അന്യ സംസ്ഥാനങ്ങളിൽ നിന്ന് നിരവധി പേർ ട്രെയിനിൽ സംസ്ഥാനത്തേക്കെത്തുന്ന സാഹചര്യത്തിൽ പ്രധാനപ്പെട്ട റെയിൽവേ സ്​റ്റേഷനുകളിലെ പൊലീസ് സംവിധാനത്തിന്റെ ചുമതല ഐ.ജിമാർക്ക് നൽകി ‌ഡി.ജി.പി ലോക്നാഥ് ബെഹ്‌റ ഉത്തരവിറക്കി. വടക്കൻ ജില്ലകളിലെ സ്​റ്റേഷനുകളുടെ ചുമതല ക്രൈം ബ്രാഞ്ച് കോഴിക്കോട് ഐ.ജി ഇ.ജെ.ജയരാജിനും തെക്കൻ ജില്ലകളിലെ ചുമതല ട്രാഫിക് ഐ.ജി ജി.ലക്ഷ്മണിനുമാണ്. ക്രമസമാധാന വിഭാഗം എ.ഡി.ജി.പി ഡോ.ഷേക്ക് ദർവേഷ് സാഹിബിനാണ് മേൽനോട്ട ചുമതല. റെയിൽവേ സ്​റ്റേഷനുകളുടെ ചുമതല എ.എസ്.പിമാർക്കോ ഡിവൈ.എസ്.പിമാർക്കോ നൽകിയിട്ടുണ്ട്.

പ്രധാന ട്രെയിനുകൾ വരുകയും പോവുകയും ചെയ്യുന്ന സമയത്ത് ജില്ലാ പൊലീസ് മേധാവിമാർ റെയിൽവേ സ്​റ്റേഷനുകൾ സന്ദർശിക്കും.