ഉമ്മൻചാണ്ടി അനുസ്മരണം ഇന്ന്

തിരുവനന്തപുരം: മുൻ മുഖ്യമന്ത്രി ഉമ്മൻചാണ്ടിയുടെ ചരമവാർഷികം കെ.പി.സി.സി യുടെ നേതൃത്വത്തിൽ സമുചിതമായി ആചരിക്കുമെന്ന് കെ.പി.സി.സി സംഘടനാ ജനറൽ സെക്രട്ടറി നെയ്യാറ്റിൻകര സനൽ അറിയിച്ചു. ഇന്ന് രാവിലെ 9.30ന് കെ.പി.സി.സി ആസ്ഥാനത്ത് സർവമത പ്രാർഥനയും പുഷ്പാർച്ചനയും അനുസ്മരണ സമ്മേളനവും നടത്തും. കെ.പി.സി.സി പ്രസിഡന്റ് സണ്ണി ജോസഫ്, രാഷ്ട്രീയകാര്യ സമിതി അംഗങ്ങൾ, ജനപ്രതിനിധികൾ, കെ.പി.സി.സി ഭാരവാഹികൾ ഉൾപ്പെടെയുള്ളവർ പങ്കെടുക്കും. രാവിലെ 8ന് മണ്ഡലം തലത്തിലും ഡി.സി.സികളുടെ നേതൃത്വത്തിൽ ജില്ലാ ആസ്ഥാനങ്ങളിലും അനുസ്മരണ പരിപാടികൾ നടത്തും.