ആറന്മുള ഉത്രട്ടാതി ജലമേള ഇന്ന്

കോഴഞ്ചേരി : പമ്പയിൽ പള്ളിയോടങ്ങളുടെ പകൽപ്പൂരമാകുന്ന ആറന്മുള ഉത്രട്ടാതി ജലമേള ഇന്ന് ഉച്ചയ്ക്ക് 1.30ന് ഉപരാഷ്ട്രപതി സി.പി.രാധാകൃഷ്ണൻ ഉദ്ഘാടനം ചെയ്യും. ഗവർണർ രാജേന്ദ്ര വിശ്വനാഥ അർലേക്കർ , ആഭ്യന്തരമന്ത്രി രമേശ് ചെന്നിത്തല , ജലവിഭവ മന്ത്രി മോൻസ് ജോസഫ് , ആന്റോ ആന്റണി എം.പി, അബിൻ വർക്കി എം.എൽ.എ , പള്ളിയോട സേവാസംഘം പ്രസിഡന്റ് കെ.വി.സാംബദേവൻ എന്നിവർ പങ്കെടുക്കും. വിവിധ കരകളിൽ നിന്നുള്ള 51 പള്ളിയോടങ്ങൾ ജലോത്സവത്തിന് മാറ്റുകൂട്ടും. ജലഘോഷയാത്രയുടെ ഏറ്റവും മുന്നിലായി തിരുവോണത്തോണി തുഴഞ്ഞുനീങ്ങും. പിന്നാലെ ബി ബാച്ച് പള്ളിയോടങ്ങളും എ ബാച്ച് പള്ളിയോടങ്ങളും ഭഗവത് സ്തുതി പാടി അകമ്പടിയാകും. മൂന്നുമണിക്ക് മത്സര വള്ളംകളി ആരംഭിക്കും. വിജയികൾക്ക് മന്നം ട്രോഫി സമ്മാനിക്കും. ഏറ്റവും ഭംഗിയായി ചമയത്തോട് കൂടി പാടി തുഴയുന്ന പള്ളിയോടത്തിന് ആർ.ശങ്കർ സ്മാരക സുവർണ ട്രോഫി നൽകും.