വിണ്ടുകീറിയ പാദങ്ങൾ പ്രശ്നമാണോ? പരീക്ഷിക്കൂ ഈ പൊടികൈകൾ

ചർമ്മത്തിനും മുടിക്കും നൽകുന്നത്ര ശ്രദ്ധ പലപ്പോഴും നമ്മുടെ പാദങ്ങൾക്ക് നൽകാറില്ല. ഇതുകൊണ്ടാണ് പലപ്പോഴും കാൽ പാദങ്ങൾ വിണ്ടുകീറുന്നത് ഉൾപ്പെടെയുള്ള പ്രശ്നങ്ങൾ ഉണ്ടാകുന്നത്. വൃത്തിക്കുറവ് മാത്രമല്ല, തൈറോയ്ഡ് പോലുള്ള രോഗങ്ങള്‍, ചര്‍മം വരണ്ടുപോകുന്നത് എല്ലാം തന്നെ ഇതിന് കാരണമാകുന്നു.

ശരീരത്തിലെ വിറ്റാമിനുകളുടെ കുറവ് സൂചിപ്പിയ്ക്കുന്ന ഒരു ലക്ഷണം കൂടിയാണ് കാലിലെ ഈ വിണ്ടു കീറല്‍. ചില ചര്‍മ്മ പ്രശ്‌നങ്ങളും ഇതിന് കാരണമാകാറുണ്ട്. ആവശ്യത്തിന് വെള്ളം കുടിക്കാത്തതാണ് മറ്റൊരു പ്രധാന കാരണം. ഇത് സ്വാഭാവികമായും കാലിലെ ചർമ്മത്തെയും വരണ്ടതാക്കും. ഇത് പലപ്പോഴും ആത്മവിശ്വാസം നഷ്ടപ്പെടുന്നതിന് കാരണമാകാറുണ്ട്. എന്നാൽ ഇതിനുള്ള പരിഹാരങ്ങൾ വീട്ടിൽ തന്നെയുണ്ട്.

• ആദ്യം കുറച്ച് വെളിച്ചെണ്ണയും മെഴുകും എടുത്ത് നന്നായി ചൂടാക്കണം. മെഴുക് ഉരുകിയതിന് ശേഷം ഇത് തണുക്കാൻ വയ്ക്കാം. തണുത്തതിന് ശേഷം ഇതിനെ ഒരു കുപ്പിയിലേയ്ക്ക് മാറ്റണം. ഇനി എല്ലാദിവസവും രാത്രി കിടക്കുന്നതിന് മുൻപ് കാലുകൾ നന്നായി കഴുകി വൃത്തിയാക്കിയതിന് ശേഷം ഇത് പുരട്ടണം.

• ആന്റിബാക്‌ടീരിയൽ ഗുണങ്ങൾ, ആന്റി ഇൻഫ്ലമേറ്ററി സവിശേഷതകൾ എന്നിവ അടങ്ങിയ തേൻ മികച്ചൊരു മോയ്സ്ചറൈസറാണ്. ഒരു പാത്രത്തിൽ അൽപ്പം ചൂടുവെള്ലം എടുക്കണം. ഇതിലേക്ക് ഒരു കപ്പ് തേൻ ചേർത്ത് നന്നായി ഇളക്കി യോജിപ്പിക്കണം. ശേഷം 15 മിനിറ്റ് നേരം പാദങ്ങൾ ഇതിൽ മുക്കിവയ്ക്കണം. ശേഷം സ്ക്രബ്ബ് ചെയ്യണം.

• കറ്റാർവാഴ ജെൽ കാലിലെ വിണ്ടുകീറിയ ഭാഗങ്ങളിൽ പുരട്ടി മസാജ് ചെയ്യണം. 20 മുതൽ 30 മിനിറ്റിന് ശേഷം ചെറുചൂടുവെള്ളത്തിൽ കഴുകണം. പാദങ്ങൾ വിണ്ടുകീറുന്നത് പരിഹരിക്കാൻ സഹായിക്കും.

• ഗ്ലിസറിനും റോസ് വാട്ടറും നന്നായി യോജിപ്പിക്കണം. ഈ മിശ്രിതം വിണ്ടുകീറിയ കാൽപാദങ്ങളിൽ പുരട്ടുക. 30 മിനിട്ടിന് ശേഷം കഴുകിക്കളയുക. ചർമ്മത്തിൽ ഈർപ്പം നിലനിർത്താൻ ഇത്‌ സഹായിക്കും. വിണ്ടുകീറൽ ഇല്ലാതാക്കാൻ ഇത്‌ ഗുണം ചെയ്യും. ഇത് എല്ലാദിവസവും ആവർത്തിക്കുന്നത് മികച്ച ഫലം നൽകും.