​ലജ്ജ അധി​കാ​ര​ത്തിന്റെ സൂക്ഷ്മാ​യു​ധ​മാ​കു​മ്പോൾ 

ലോകം ആഗോ​ള​ഗ്രാ​മ​മായി ചുരു​ങ്ങി​യ​പ്പോൾ ലജ്ജി​പ്പി​ക്ക​ലിന് സാർവ​ത്രിക അരങ്ങ് ഒരു​ങ്ങി കിട്ടു​ക​യുമായി​രു​ന്നു. ഒരു സന്ദേ​ശം, ഒരു ചിത്രം, ഒരു വീഡിയോ കൊണ്ട് നിമി​ഷ​ങ്ങൾക്കുള്ളിൽ വ്യക്തി​ക​ളെയും സമൂ​ഹ​ങ്ങ​ളെയും താറു​മാ​റാ​ക്കാൻ സംഹാ​ര​ ശ​ക്തിയുള്ള സോഷ്യൽ മീഡി​യ​ക്കാല​ത്ത്, ലജ്ജ എന്ന വികാരം സാമൂഹ്യ രാഷ്ട്രീയ ആയു​ധ​മായും പരി​ണ​മിച്ചിരി​ക്കു​ന്നു. ഈ പശ്ചാ​ത്ത​ല​ത്തി​ലാണ്, തൃശൂർ കറന്റ് ബുക്‌സ് പ്രസാ​ധനം നിർവ​ഹിച്ചഡോ.​എം.​മോ​ഹന്റെ 'ലജ്ജ​യുടെ മന:ശാസ്ത്രം ലജ്ജി​പ്പി​ക്ക​ലിന്റെ രാഷ്ട്രീയം' എന്ന കൃതിയുടെ വായന അർത്ഥ​പൂർണ​മാകുന്ന​ത്. ലജ്ജ​യുടെ മന:ശാ​സ്ത്ര​ വിശ​ദീ​ക​ര​ണവും ലജ്ജി​പ്പി​ക്ക​ലിനു പിന്നിലെ കീഴ്‌പ്പെ​ടു​ത്തൽ അധി​കാ​ര​വും തുറ​ന്നു​കാ​ട്ടുക മാ​ത്ര​മല്ല ലജ്ജാ​തി​ജീ​വ​ന​ത്തിന്റെ കൈപ്പു​സ്ത​ക​മായും അതു മാറു​ന്നു. ഡോ. എസ്.​രാ​ജു​വിന്റെ അവ​താ​രിക പുസ്‌തക​ പ്രസക്തി എടുത്തു പറ​യു​ന്നുണ്ട്.
ലജ്ജ​യെ​ന്നത് വെറും വ്യക്തി​പ​ര​മായ വികാരം മാത്ര​മാ​യ​ല്ല, സാമൂ​ഹ്യ​മായ നിർമ്മിതി കൂടി​യാണെന്ന തിരി​ച്ച​റി​വാണ് ഈ കൃതി​യു​ടെ​ കാ​തൽ. ലജ്ജയെ അധി​കാ​രോ​പ​ക​ര​ണ​മായി മാറ്റുന്ന സാമൂ​ഹ്യ​-​രാ​ഷ്ട്രീയ പ്രക്രി​യയെ അതു വിശ​ക​ലനം ചെയ്യു​ന്നു. കേര​ള​ത്തിന്റെ സാംസ്‌കാ​രിക പശ്ചാ​ത്ത​ല​ത്തിൽ ജാതി, ലിംഗം, വർഗം എന്നി​വ​യുടെ അടി​സ്ഥാ​ന​ത്തിൽ ലജ്ജി​പ്പി​ക്കൽ എങ്ങനെ ഒരു അധി​കാ​രോ​പ​ക​ര​ണ​മായി പ്രവർത്തി​ക്കുന്നു എന്ന​തിന്റെ കൃത്യ​മായ നിരീ​ക്ഷ​ണ​ങ്ങൾ ഗ്രന്ഥ​കാ​രൻ നട​ത്തു​ന്നു​ണ്ട്. കൊളോ​ണി​യൽ വാഴ്ച, സ്ത്രീവി​രു​ദ്ധ​ത, സാമ്പ​ത്തിക അസ​മത്വം എന്നി​വ​യെല്ലാം ലജ്ജി​പ്പി​ക്ക​ലിന്റെ വ്യത്യസ്ത മുഖ​ങ്ങ​ളാ​ണെന്ന് തെളി​യി​ക്കു​ന്നു.
വിഷ​ലജ്ജാ വിമു​ക്ത​മായ ഒരു പുതു​ജീ​വി​ത​ത്തിന്റെ ഭൂപടം വരച്ചു കാട്ടാനും ഈ കൃതി ശ്രമി​ക്കു​ന്നു. ലജ്ജ​യുടെ ഫല​പ്ര​ദ​മായ നിയ​ന്ത്ര​ണ​മെ​ന്നത് അതിനെ നിരാ​ക​രി​ക്ക​ല​ല്ലെന്നും അതിനെ ആത്മ​വി​ശ്വാ​സ​ത്തോടെ നേരിട്ട് അതി​ജീ​വി​ക്ക​ലാ​ണെന്നും ഈ പുസ്തകം അഭി​പ്രാ​യ​പ്പെ​ടു​ന്നു. വിമർശ​നാ​ത്മക അവ​ബോ​ധം, സ്വയം നിരീ​ക്ഷ​ണം, ഫല​പ്ര​ദ​മായ ആശ​യ​വി​നി​മയം, സഹാ​നു​ഭൂതി എന്നി​വയെ ലജ്ജാ​തി​ജീ​വ​ന​ത്തി​നുള്ള പ്രവർത്ത​നോ​പാ​ധി​ക​ളായി നിർദ്ദേ​ശി​ക്കു​കയും ചെയ്യു​ന്നു. വിഷ​ലജ്ജാ പ്രതി​രോ​ധവും ലജ്ജി​പ്പി​ക്കൽ നിർമ്മാർജ​നവും പുതിയ സമൂ​ഹ​ത്തിന്റെ മുഖ​മു​ദ്ര​യാ​ക​ണം. അതി​നായി നമ്മുടെ ക്ലാസ്​മു​റി​കൾ ഒരു​ക്ക​ണം. ലജ്ജി​പ്പി​ക്ക​ലി​ല്ലാത്ത വീട്ടക​ങ്ങളും ക്ലാസ്‌മു​റി​കളും മറ്റു പൊതു ഇട​ങ്ങളും സൃഷ്ടി​ക്ക​പ്പെ​ട​ണം. വിദ്യാർത്ഥി​കൾക്കുള്ള ജീവിത നൈപുണ്യ പദ്ധ​തി​യുടെ ഭാഗ​മായി ലജ്ജി​പ്പി​ക്കൽ വിരുദ്ധ മൂല്യ​ബോ​ധനം ഉൾപ്പെ​ടു​ത്ത​ണം.
സോഷ്യൽ മീഡിയ ലജ്ജി​പ്പി​ക്ക​ലിന്റെ വലി​യൊരുവേദി​യായി മാറി​യി​രി​ക്കുന്ന ഇക്കാ​ലത്ത് ലജ്ജി​പ്പി​ക്കൽ വിരുദ്ധ ചിന്ത​കൾക്ക് പ്രത്യേക പ്രാധാ​ന്യ​മു​ണ്ട്. ഒരു വ്യക്തി​യുടെ ഒരു നിമി​ഷത്തെ വീഴ്ച, ഒരു തെറ്റ്, ഒരു അബദ്ധം ഇവ​യെല്ലാംസോഷ്യൽ മീഡി​യ​യിൽ എക്കാ​ല​ത്തേ​ക്കു​മുള്ള അപ​മാ​ന​മായി മാറു​ന്നു. യുവാ​ക്കളും കൗമാ​ര​ക്കാരും ലജ്ജ​യുടെ ഭാരം താങ്ങാ​നാ​വാതെ ആത്മ​ഹ​ത്യ​യിൽ അഭയംതേടു​ന്നു. ഈ പശ്ചാ​ത്ത​ല​ത്തിൽ ലജ്ജയെ മന​സി​ലാ​ക്കാനും അതിന്റെ വിഷ​ക​ര​മായ പ്രഭാ​വ​ങ്ങളെ അതി​ജീ​വി​ക്കാനും ഈ കൃതി നൽകുന്ന ഉൾക്കാ​ഴ്ച​കൾ അമൂ​ല്യ​മാ​ണ്. ലളി​ത​മായ ഭാഷയും അവ​ത​രണ ശൈലിയും ഈ പുസ്‌ക​ത്തിന്റെ വായന അനാ​യാ​സ​മാ​ക്കു​ന്നു.