ആനുകൂല്യങ്ങൾ പുന:സ്ഥാപിക്കണം

കൊടുമൺ: പ്ലാന്റേഷൻ കോർപ്പറേഷനിലെ തൊഴിലാളികൾക്ക് മുൻ യു.ഡി.എഫ് സർക്കാരിന്റെ കാലത്ത് നൽകിവന്നിരുന്ന അറ്റൻഡൻസ് മോട്ടിവേഷൻ, ഫുഡ് അലവൻസ്, യൂണഫോം, ഇരുചക്ര വാഹന വായ്പ, വിദ്യാഭ്യസ വിവാഹ ധനസഹായ പദ്ധതികൾ നിറുത്തലാക്കിയത് പുന:സ്ഥാപിച്ചു നൽകണമെന്ന് പ്ലാന്റേഷൻ വർക്കേഴ്‌സ് കോൺഗ്രസ് (ഐ.എൻ.ടി. യു.സി) കൊടുമൺ മേഖലാകമ്മറ്റി ആവശ്യപ്പെട്ടു. സിജി അജയന്റെ അദ്ധ്യക്ഷതയിൽ കൂടിയയോഗം ഐ.എൻ.ടി. യു.സി സംസ്ഥാനസമിതി അംഗം അങ്ങാടിക്കൽ വിജയകുമാർ ഉദ്ഘാടനം ചെയ്തു. പി.കെ സജി, സി.അനീഷ്, വിജയകുമാർ, ആർ. മണിലാൽ, ബിജു, മധുസൂദനൻ പിള്ള, രമ തുടങ്ങിയവർ സംസാരിച്ചു.