കേരള ഗ്രാമീണ ബാങ്ക് പ്രാവച്ചമ്പലം ശാഖ

തിരുവനന്തപുരം: കേരള ഗ്രാമീണ ബാങ്ക് പ്രാവച്ചമ്പലം ശാഖയുടെ ഉദ്ഘാടനം അഡ്വ. ഐ.ബി. സതീഷ് എം.എൽ.എ നിർവഹിച്ചു. പള്ളിച്ചൽ ഗ്രാമപഞ്ചായത്ത് പ്രസിഡന്റ് കെ. രാകേഷ് ലോക്കറിന്റെ ഉദ്ഘാടനം നിർവഹിച്ചു. ബാങ്കിന്റെ ചെയർപേഴ്സൺ വിമല വിജയഭാസ്കർ ചടങ്ങിൽ അദ്ധ്യക്ഷനായി. റീജിയണൽ മാനേജർ സുബ്രഹ്മണ്യൻ പോറ്റി,​ പള്ളിച്ചൽ പഞ്ചായത്ത് സി.ഡി.എസ് ചെയർപേഴ്സൺ ഗീത എന്നിവർ ആശംസകൾ അറിയിച്ചു. കെ.ജി.ബി നൽകുന്ന സബ്സിഡിയോട് കൂടിയ ഗവൺമെന്റ് സ്കീമുകൾ,​ മറ്റു ലോണുകൾ,​ ഓരോ കസ്റ്റമറിനും അനുയോജ്യമായ നിക്ഷേപ സ്കീമുകൾ,​ സാമൂഹിക സുരക്ഷ സ്കീമുകൾ എന്നിവയാണ് ബ്രാഞ്ചിന്റെ സവിശേഷതകൾ.