വീണ്ടും കുതിച്ച് സ്വർണവില

കൊച്ചി: സ്വർണവിലയിൽ വീണ്ടും മുന്നേറ്റം. ഇന്നലെ പവന് 400 രൂപ വർദ്ധിച്ച് 72,​600 രൂപയായി. ഗ്രാമിന് 50 രൂപയാണ് കൂടിയത്. 9075 രൂപയാണ് ഒരു ഗ്രാം സ്വർണത്തിന്റെ വില. 74,​320 എന്ന റെക്കാഡ് തൊട്ട ശേഷം ഇടിഞ്ഞ സ്വർണവില വീണ്ടും മുന്നേറ്റപാതയിലേക്കാണ്. മൂന്ന് ദിവസത്തിനിടെ 2500 രൂപയാണ് കൂടിയത്. സുരക്ഷിതനിക്ഷേപം എന്ന നിലയിൽ ആളുകൾ സ്വർണത്തിൽ ശ്രദ്ധ കേന്ദ്രീകരിക്കുന്നതാണ് വില വീണ്ടും ഉയർത്തുന്നത്.

അതേസമയം,​ ഓപ്പറേഷൻ സിന്ദൂറിന് ശേഷം പാക്കിസ്ഥാൻ തിരിച്ചടിക്കുമോ എന്ന് ഉറ്റുനോക്കുകയാണ് സാമ്പത്തിക രംഗത്തെ വിദഗ്ദ്ധർ. ഓപ്പറേഷൻ സിന്ദൂറിന് ശേഷം ഇന്ത്യൻ ഓഹരിവിപണിയിലുണ്ടായ കയറ്റം വരുംദിനങ്ങളിലും തുടരുമോ എന്നത് ആശ്രയിച്ചിരിക്കും സ്വർണവിലയിലെ ഏറ്റക്കുറച്ചിലുകൾ. ഇരുരാജ്യങ്ങളും യുദ്ധത്തിലേക്ക് നീങ്ങുകയാണെങ്കിൽ സ്വർണവില കുതിച്ചുയരാനിടയാക്കും.