ഏകാ മൊബിലിറ്റി വിൽപ്പന 13 മടങ്ങ് ഉയർന്നു

കൊച്ചി: വൈദ്യുതി വാഹന നിർമ്മാതാക്കളായ ഏകാ മൊബിലിറ്റി 2026 -27ന്റെ ആദ്യപകുതിയിൽ 13 ഇരട്ടി വളർച്ച കൈവരിച്ചു. ഇക്കാലയളവിൽ 1,786 വാണിജ്യ വാഹനങ്ങളാണ് വിറ്റഴിച്ചത്. മുൻവർഷം ഇതേ കാലയളവിൽ 133 വാഹനങ്ങളായിരുന്നു വിൽപ്പന.

ചെറു വാണിജ്യവാഹനങ്ങളുടെ വിൽപ്പന 79ൽ നിന്ന് 1,286 യൂണിറ്റായി ഉയർന്നു. ബസ് വിൽപ്പന 54ൽ നിന്ന് 500 ആയും വർദ്ധിച്ചു. ബസുകൾക്കും ചെറു വാണിജ്യവാഹനങ്ങൾക്കും പുറമെ, മീഡിയം, ഹെവി വാണിജ്യ വാഹന വിഭാഗത്തിലേക്കും കമ്പനി പ്രവേശിച്ചു. പൂനെയിലെ രണ്ട് പ്ലാന്റുകൾക്ക് പുറമെ മദ്ധ്യപ്രദേശിലെ പിതാംപൂരിൽ മെഗാ നിർമാണ ഹബ് സ്ഥാപിക്കാനുള്ള നടപടികളും പുരോഗമിക്കുകയാണ്.