സ്വച്ഛത : മാലിന്യം വിറ്റ് കേന്ദ്ര ഖജനാവിൽ 2364 കോടി

ന്യൂഡൽഹി : സ്വച്ഛതാ ക്യാമ്പയിനിൽ ശേഖരിച്ച പാഴ്‌വസ്‌തുക്കൾ വിറ്റ് കേന്ദ്രസർക്കാർ ഖജനാവിൽ എത്തിയത് 2364 കോടി രൂപ. 2021 മുതൽ ഇതുവരെ രാജ്യത്തെ സർക്കാർ ഓഫീസുകളിൽ അടക്കം നടത്തിയ ശുചീകരണത്തിലാണ് ഈ വരുമാനം. കേന്ദ്രമന്ത്രി ജിതേന്ദ്ര സിംഗാണ് ഇക്കാര്യം അറിയിച്ചത്. ഈവർഷം സ്‌പെഷ്യൽ കാമ്പയിൻ 4.0 നടത്തി. ഗാന്ധി ജയന്തി ദിനമായ ഒക്ടോബർ രണ്ട് മുതൽ 31 വരെയായിരുന്നു ക്യാമ്പയിൻ.

 രാജ്യത്തെ 5.97 ലക്ഷം സൈറ്രുകളിൽ കാമ്പയിൻ സംഘടിപ്പിച്ചു

 ഈവർഷത്തെ വരുമാനം 650.10 കോടി

 സർക്കാർ ഓഫീസുകളിലെ 190 ലക്ഷം ചതുരശ്ര അടിയിലെ പാഴ്‌വസ്‌തുക്കൾ മാറ്റി

 ഈസ്ഥലം ഓഫീസ് പ്രവർത്തനത്തിന് പര്യാപ്‌തമാക്കി

 പ്രശംസിച്ച് മോദി

നേട്ടത്തെ പ്രധാനമന്ത്രി നരേന്ദ്രമോദി പ്രകീർത്തിച്ചു. ശുചിത്വവും സാമ്പത്തിക ജാഗ്രതയും പ്രോത്സാഹിപ്പിക്കുമെന്നും പറഞ്ഞു