ഇന്ത്യയ്ക്ക് തോൽവി: പരമ്പര നഷ്ടം

ലണ്ടൻ : ഇംഗ്ളണ്ടിനെതിരായ അവസാന ഏകദിനത്തിൽ 27 റൺസിന്റെ തോൽവി വഴങ്ങിയ ഇന്ത്യയ്ക്ക് പരമ്പര നഷ്ടം. മൂന്നാംമത്സരത്തിലെ ജയത്തോടെ ഇംഗ്ലണ്ട് പരമ്പര 2-1ന് സ്വന്തമാക്കി. ലോഡ്സിൽ ആദ്യം ബാറ്റ് ചെയ്ത് ഇംഗ്ളണ്ട് നിശ്ചിത 50 ഓവറിൽ മൂന്ന് വിക്കറ്റ് നഷ്ടത്തിലാണ് 387 റൺസ് നേടി. മറുപടിക്കിറങ്ങിയ ഇന്ത്യ പൊരുതിയെങ്കിലും 50 ഓവറിൽ 7 വിക്കറ്റ് നഷ്ടത്തിൽ 360റൺസേ നേടാനായുള്ളൂ.ടീമിലെ സ്ഥാനം തുലാസിലുള്ള രോഹിത് ശർമ്മ ലോഡ്സിൽ ഏകദിനത്തിൽ സെഞ്ച്വറി നേടുന്ന ആദ്യ ഇന്ത്യക്കാരനായി. 110 പന്തിൽ 138 റൺസെടുത്ത 39കാരനായ രോഹിത് അന്താരാഷ്ട്ര ഏകദിനത്തിൽ സെഞ്ച്വറി നേടുന്ന ഏറ്റവും പ്രായമേറിയ ഇന്ത്യൻ താരവുമായി.