ആത്മാഭിമാനത്തെ ബാധിക്കും :ഫ്രാൻസിസ് മാർപ്പാപ്പ

റോം: അനധികൃത കുടിയേറ്രക്കാരെ യു.എസ് കൂട്ടത്തോടെ നാടുകടത്തുന്നതിനെതിരെ രൂക്ഷ വിമർ‌ശനവുമായി ഫ്രാൻസിസ് മാർപ്പാപ്പ. നിയമവിരുദ്ധയുടെ പേരിൽ ആളുകളെ നിർബന്ധിച്ച് നാടുകടത്തുന്നത് അവരുടെ ആത്മാഭിമാമത്തെ ബാധിക്കുമെന്നും ഇത് മോശമായി അവസാനിക്കുമെന്നും മുന്നറിയിപ്പ് നൽകി. യു. എസ് ബിഷപ്പുമാർക്കുള്ള പ്രത്യേക കത്തിലാണ് വിമർശനം.കൊ​ടും പ​ട്ടി​ണി​യും അ​ര​ക്ഷി​താ​വ​സ്ഥ​യും ചൂ​ഷ​ണ​വും പ്ര​കൃ​തി ദു​ര​ന്ത​വും കാ​ര​ണം ര​ക്ഷ​തേ​ടി വ​ന്ന​വ​രെ നാ​ടു​ക​ട​ത്തു​ന്ന​ത് അ​ന്ത​സ്സി​ന് മു​റി​വേ​ൽ​പി​ക്കും. അ​വ​രെ ദു​ർ​ബ​ല​രും പ്ര​തി​രോ​ധി​ക്കാ​ൻ ക​ഴി​യാ​ത്ത​വ​രു​മാ​യി മാ​റ്റു​മെ​ന്നും അ​ദ്ദേ​ഹം പ​റ​ഞ്ഞു. ഇതുവരെ 8,000 ത്തിലധികം ആളുകളെ അറസ്റ്റ് ചെയ്തതായി വൈറ്റ് ഹൗസ് പ്രസ് സെക്രട്ടറി കരോലിൻ ലീവിറ്റ് കഴിഞ്ഞ ദിവസം പറഞ്ഞിരുന്നു. ചിലരെ നാടുകടത്തി, മറ്റുള്ളവരെ ഫെഡറൽ ജയിലുകളിലും മറ്റുള്ളവരെ ക്യൂബയിലെ ഗ്വാണ്ടനാമോ ബേ നേവൽ ബേസിലാണ് പാർപ്പിച്ചിരിക്കുന്നത്.