ഉപയോഗം ഉയർന്നാലും വൈദ്യുതി നിയന്ത്രണം വേണ്ടിവരില്ല

തിരുവനന്തപുരം: സംസ്ഥാനത്ത് വൈദ്യുതി ആവശ്യകത വലിയ തോതിൽ ഉയർന്നെങ്കിലും വിതരണത്തിൽ നിയന്ത്രണം വേണ്ടിവരില്ലെന്ന് കെ.എസ്.ഇ.ബി ഉന്നതതല യോഗം വിലയിരുത്തി. ആവശ്യമായ വൈദ്യുതി കേരളത്തിലേക്കെത്തിക്കാൻ നടപടി സ്വീകരിച്ചിട്ടുണ്ട്. കൂടാതെ അധികമായി വൈദ്യുതി വേണ്ടിവന്നാൽ ടേം എ ഹെഡ് മാർക്കറ്റിൽ നിന്ന് വാങ്ങും.അത്യാവശ്യമല്ലാത്ത ഉപകരണങ്ങൾ പ്രവർത്തിപ്പിക്കുന്നതും ഇ.വി ചാർജിംഗും പീക്ക് സമയത്ത് ഒഴിവാക്കണമെന്ന ബോധവത്കരണം ശക്തമാക്കും. ജലവൈദ്യുത പദ്ധതികളിൽ കൃത്യമായ ആസൂത്രണത്തോടെ ക്രമീകരണം വരുത്തുന്നതടക്കമുള്ള നടപടികളും യോഗം ചർച്ച ചെയ്തു.