SignIn
Kerala Kaumudi Online
Saturday, 15 February 2025 8.25 AM IST

ഹണി ട്രാപ്പിൽ പെടുത്തി തട്ടികൊണ്ടുപോയി, 115 കിലോ അടയ്‌ക്ക മോഷ്‌ടിച്ചു, ഒടുവിൽ അലി അഷ്‌കറിനെ കാപ്പ ചുമത്തി അറസ്‌റ്റ് ചെയ്‌തു

Increase Font Size Decrease Font Size Print Page
kappa

കയ്പമംഗലം: മതിലകം സ്വദേശിയായ കവർച്ചാകേസ് പ്രതിയെ കാപ്പ ചുമത്തി ജയിലിലടച്ചു. കുപ്രസിദ്ധഗുണ്ടയും കവർച്ചാ കേസിലെ പ്രതിയുമായ മതിലകം പൊന്നാംപടി കോളനി വട്ടപ്പറമ്പിൽ അലി അഷ്‌ക്കറിനെയാണ് (26) കാപ്പ ചുമത്തി ജയിലിലടച്ചത്. ഹണി ട്രാപ്പിൽപെടുത്തി പൂങ്കുന്നം സ്വദേശിയെ തട്ടിക്കൊണ്ടുപോയി കവർച്ച നടത്തിയ കേസിലെ പ്രധാന പ്രതിയാണ് ഇയാളെന്ന് പൊലീസ് പറഞ്ഞു. ഈ കേസിൽ ജാമ്യത്തിലിറങ്ങാൻ ഇരിക്കെയാണ് കാപ്പ ചുമത്തിയത്.

കവർച്ചാ കേസിലെ പ്രതികളായ കയ്പമംഗലം തിണ്ടിക്കൽ ഹസീബ്, മതിലകം സ്വദേശി ഊളക്കൽ സിദ്ദിഖ് എന്നിവരെ കഴിഞ്ഞദിവസങ്ങളിൽ കാപ്പ ചുമത്തി ജയിലിലടച്ചിരുന്നു. 2022ൽ വാടാനപ്പിള്ളിയിൽ അടയ്ക്കാക്കടയിൽ നിന്നും 115 കിലോ അടക്ക മോഷണം നടത്തിയ കേസിലും, 2022ൽ ചാലക്കുടിയിൽ ബൈക്ക് മോഷണം ചെയ്ത കേസിലും, തൃശൂർ ശക്തൻ നഗറിൽ വെച്ച് മദ്ധ്യവയസ്‌കനെ ആക്രമിച്ച് രണ്ട് പവന്റെ സ്വർണ്ണാഭരണം കവർന്ന കേസിലും ഇയാൾ പ്രതിയാണെന്നും പൊലീസ് പറഞ്ഞു. മതിലകം പൊലീസ് ഇൻസ്‌പെക്ടർ എം.കെ.ഷാജി, എസ്.ഐ രമ്യാ കാർത്തികേയൻ, എ.എസ്.ഐമാരായ വിൻസി, തോമസ് എന്നിവരാണ് അന്വേഷണം നടത്തിയത്.

TAGS: CASE DIARY, KAPPA, HONEYTRAP, THEFT
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
KERALA KAUMUDI EPAPER
Kaumudi Salt & Pepper
TRENDING IN CASE DIARY
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.