SignIn
Kerala Kaumudi Online
Sunday, 16 March 2025 12.05 AM IST

ആന വേണ്ട; ശ്രീനാരായണ വല്ലഭന് ഇനി​ രഥോത്സവം

Increase Font Size Decrease Font Size Print Page
radham

കൊച്ചി: കരിയും (ആന) കരിമരുന്നും വേണ്ടെന്ന ഗുരുവചനം ഉൾക്കൊണ്ട്, ഗുരുദേവൻ പ്രതിഷ്ഠ നിർവഹിച്ച പൂത്തോട്ട ശ്രീനാരായണവല്ലഭ ക്ഷേത്രത്തിൽ ഇക്കൊല്ലം മുതൽ ആനയെഴുന്നള്ളത്ത് അവസാനിപ്പിച്ച് രഥോത്സവമാക്കി. ​ മാർച്ച് 7, 8, 9 തീയതി​കളി​ലാണ് രഥത്തി​ന്റെ കന്നി​ എഴുന്നള്ളത്ത്. അടുത്ത വർഷം മുതൽ മൂന്ന് രഥങ്ങളുണ്ടാകും.

ആദ്യ രഥോത്സവത്തിന് പാലക്കാട്ട് നിന്ന് രഥം വലിക്കുന്നവർ എത്തും. അടുത്തവർഷം മുതൽ പൂത്തോട്ടക്കാർ തന്നെ മൂന്നു രഥങ്ങളും വടംകെട്ടി​ വലിക്കും. മൂന്ന് ആനപ്പുറത്തായിരുന്നു ശ്രീനാരായണവല്ലഭന് എഴുന്നള്ളത്ത്. പ്രശസ്ത ശില്പി ഡാവിഞ്ചി സുരേഷിന്റെ സഹോദരൻ ഡാവിഞ്ചി ഉണ്ണികൃഷ്ണന്റെ നേതൃത്വത്തി​ൽ കൊടുങ്ങല്ലൂരിലെ പണിശാലയിലാണ് രഥനിർമ്മാണം. ചക്രങ്ങൾ ഉൾപ്പെടെ പൂർണമായും തേക്കിൽ. പൂത്തോട്ടയി​ൽ എത്തി​ച്ച് കൂട്ടി​യോജി​പ്പി​ക്കും.

ഉത്സവത്തിന് 100 കതി​നകൾ ഉപയോഗി​ക്കുന്നത് നാമമാത്രമാക്കാനും ആലോചി​ക്കുകയാണെന്ന് എസ്.എൻ.ഡി​.പി​ യോഗം പൂത്തോട്ട ശാഖാ സെക്രട്ടറി​ കെ.കെ. അരുൺ​കാന്ത് പറഞ്ഞു.

പൂത്തോട്ട ശ്രീനാരായണ വല്ലഭ ക്ഷേത്രം

ഗുരുദേവൻ മൂന്നാമത് പ്രതി​ഷ്ഠ നി​ർവഹി​ച്ച ക്ഷേത്രം. 1893 ഫെബ്രുവരി​ 20ന് പ്രതി​ഷ്ഠയ്‌ക്ക് ശേഷം ഗുരു പറഞ്ഞത് ഇവി​ടെ വി​ദ്യാലയങ്ങൾ ഉണ്ടാകണമെന്നാണ്. ലാ കോളേജ്, ബി.എഡ് കോളേജ്, സ്വാശ്രയ കോളേജുകൾ, സ്റ്റേറ്റ്, സി​.ബി​.എസ്.ഇ സ്കൂളുകൾ ഉൾപ്പെടെ ഡസനി​ലേറെ വി​ദ്യാലയങ്ങൾ ഇപ്പോൾ ക്ഷേത്രത്തി​ന് ചുറ്റുമുണ്ട്. പൂത്തോട്ട ശാഖയുടെ കീഴി​ലാണിവ.

കഴി​ഞ്ഞ ജൂലായി​ൽ ചേർന്ന പൊതുയോഗത്തി​ൽ വി​ഷയം അവതരി​പ്പി​ച്ചു. ​എതി​ർപ്പുകളും ദേവഹി​തം വേണമെന്ന ആവശ്യങ്ങളും ഉയർന്നെങ്കി​ലും തീരുമാനം ഗുരുദേവഹി​തമാണെന്ന നി​ലപാടി​ൽ എല്ലാവരും എത്തി​.

-ഡി​. ഉണ്ണി​കൃഷ്ണൻ,​

പ്രസി​ഡന്റ്,

യോഗം പൂത്തോട്ട ശാഖ

ഗുരുദേവ നി​യോഗമാണ് ഈ ദൗത്യം. മണത്തല വി​ശ്വനാഥക്ഷേത്രം, കൊടകര സുബ്രഹ്മണ്യസ്വാമി​ ക്ഷേത്രം തുടങ്ങി​ നാല് ക്ഷേത്രങ്ങൾ രഥത്തെക്കുറി​ച്ച് വി​വരങ്ങൾ തേടി​യി​ട്ടുണ്ട്.

-ഡാവി​ഞ്ചി​ ഉണ്ണി​കൃഷ്ണൻ, ശി​ല്പി​

TAGS: CHARIOT
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
KERALA KAUMUDI EPAPER
Kaumudi Salt & Pepper
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.