തിരുവനന്തപുരം:സമ്പൂർണ ലോക്ക് ഡൗൺ സാഹചര്യത്തിൽ സർക്കാരിന്റെ ടെലി മെഡിസിൻ സംവിധാനമായ ഇ-സഞ്ജീവനി കൂടുതൽ വിപുലീകരിച്ചതായി ആരോഗ്യ വകുപ്പ്. ഇന്ന് മുതൽ ഇ-സഞ്ജീവനി വഴിയുള്ള കൊവിഡ് ഒ.പി സേവനം 24 മണിക്കൂറുമാക്കി. കൊവിഡ് നിരീക്ഷണത്തിലുള്ളവർ, ചികിത്സയിലുമുള്ളവർ, രോഗലക്ഷണമുള്ളവർ, രോഗ സംശയമുള്ളവർ ഉൾപ്പെടെ എല്ലാവർക്കും ഈ സേവനം ഉപയോഗിക്കാം. ഇതിനായി കൊവിഡ് ചികിത്സയിൽ വൈദഗ്ദ്ധ്യമുള്ള ഡോക്ടർമാരെ 24 മണിക്കൂറും നിയോഗിച്ചു. ഹോം ഐസൊലേഷനിൽ കഴിയുന്നവർക്ക് എന്തെങ്കിലും രോഗലക്ഷണം ഉണ്ടായാൽ ഇ-സഞ്ജീവനിയിൽ ബന്ധപ്പെടാം.
കൊവിഡ് ഒ.പി സേവനം കൂടാതെ രാവിലെ 8 മുതൽ രാത്രി 8 വരെ സ്പെഷ്യാലിറ്റി, സൂപ്പർ സ്പെഷ്യാലിറ്റി സേവനങ്ങൾ ഉൾപ്പെടെ 35ൽപ്പരം വിവിധ ഒ.പി. സേവനങ്ങളും ലഭ്യമാണ്. ഇ സഞ്ജീവനിയിൽ ചികിത്സ തേടുന്നവരുടെ എണ്ണം പ്രതിദിനം 1300ലധികമായി ഉയർന്നിട്ടുണ്ട്.
ഇ സഞ്ജീവനി ഉപയോഗിക്കാൻ
വീഡിയോ കോൺഫറൻസ് വഴി ഡോക്ടറോട് നേരിട്ട് സംസാരിക്കാം. ഓൺലൈൻ കൺസൾട്ടേഷന് ശേഷം മരുന്ന് കുറിപ്പടി ഉടൻ തന്നെ ഡൗൺലോഡ് ചെയ്ത് മരുന്നുകൾ വാങ്ങാം.പരിശോധനകളും നടത്താം. വിവരങ്ങൾക്ക് :ദിശ 1056, 0471 2552056
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |