SignIn
Kerala Kaumudi Online
Thursday, 09 February 2023 11.35 AM IST

വഴിയോരക്കച്ചവട മേള ഇന്ന് സമാപിക്കും

തിരുവനന്തപുരം: സ്വാതന്ത്ര്യത്തിന്റെ 75ാം വാർഷികത്തോടനുബന്ധിച്ച് ' സ്വാതന്ത്ര്യം തന്നെ അമൃതം ' ആഘോഷ പരിപാടികളുടെ ഭാഗമായി നഗരസഭ കനകക്കുന്നിൽ സംഘടിപ്പിച്ച വഴിയോരക്കച്ചവട മേള ഇന്ന് സമാപിക്കും. വൈകിട്ട് 4ന് മന്ത്രി എം.വി. ഗോവിന്ദൻ സമാപന സമ്മേളനം ഉദ്ഘാടനം ചെയ്യും.

വഴിയോര കച്ചവടക്കാർക്കൊപ്പം കുടുംബശ്രീ പ്രവർത്തകരും ഭാഗമായ മേളയിൽ 120 സ്റ്റാളുകളും 20 ഫുഡ് കോർട്ടുകളുമുണ്ടായിരുന്നു. വഴിയോര കച്ചവടക്കാരുടെയും കുടുംബാംഗങ്ങളുടെയും കുടുംബശ്രീ പ്രവർത്തകരുടെയും കലാപരിപാടികളും പ്രശസ്‌ത കലാകാരന്മാർ പങ്കെടുത്ത കലാസന്ധ്യയും അരങ്ങേറി.

വഴിയോരക്കച്ചവട കേന്ദ്രങ്ങളുടെ

ഉദ്ഘാടനം ഇന്ന്

ആധുനിക രീതിയിൽ നിർമ്മിച്ച വഴിയോരക്കച്ചവട കേന്ദ്രങ്ങളുടെ ഉദ്ഘാടനം മന്ത്രി എം.വി. ഗോവിന്ദൻ ഇന്ന് നിർവഹിക്കും.

2.78 കോടി രൂപ ചെലവാക്കിയാണ് വെൻഡിംഗ് സോണിന്റെ നിർമ്മാണം പൂർത്തിയാക്കിയത്. ഇവിടെ 44 കച്ചവടക്കാരെ പുനരധിവസിപ്പിക്കും. വെൻഡിംഗ് സോൺ, ചുറ്റും ലാൻഡ്സ്‌കേപ്പ്, കാൽനട യാത്രക്കാർക്കായി 7.5 മീറ്റർ വീതിയുള്ള ഫുട്പാത്ത്, പ്രീ ഫാബ്രിക്കേറ്റഡ് ഷോപ്പുകൾ, ഇരിപ്പിടം, കുടിവെള്ള കിയോസ്‌ക്ക്, മാലിന്യം വേർതിരിക്കുന്നതിനുള്ള ബിൻ, കോമൺ വാഷ് ഏരിയ, പാർക്കിംഗ് ഏരിയ, ഇ - ഓട്ടോ പാർക്കിംഗ് ഏരിയ, എൽ.ഇ.ഡി ഡിസ്‌പ്ളേ സംവിധാനം എന്നിവയുമുണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, THIRUVANANTHAPURAM
KERALA KAUMUDI EPAPER
VIDEOS
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.