മാലിന്യ മുക്തമാക്കാം സമുദ്രങ്ങളെ

ഏ​ത് കാ​ല​വർ​ഷ​ത്തി​നും മാ​യ്ച്ചു​ക​ള​യാ​നാ​വാ​ത്ത ഓർ​മ്മ​കൾ ക​ടൽ സൂ​ക്ഷി​ക്കു​ന്നു​ണ്ട്. പുലർച്ചെ ഇ​ന്ത്യ​യു​ടെ 11,098 കി​ലോ​മീ​റ്റർ നീ​ള​മു​ള്ള തീ​ര​പ്ര​ദേ​ശ​ത്തു​കൂ​ടി ന​ട​ന്നാൽ, ഒ​രു​കാ​ല​ത്ത് ല​ബാ​റി​ലേ​ക്ക് സു​ഗ​ന്ധ​വ്യ​ഞ്ജ​ന ക​പ്പ​ലു​ക​ളെ​യും മ​ന്നാർ ഉൾ​ക്ക​ട​ലി​ലേ​ക്ക് മു​ത്തു​വാ​രു​ന്ന​വ​രെ​യും കൊ​ണ്ടെ​ത്തി​ച്ച അ​തേ ഓ​ള​ങ്ങ​ളിൽ നി​ങ്ങൾ​ക്ക് ആ ഓർ​മ്മ​കൾ കാ​ണാ​നാ​കും: ഭാ​ര​തീ​യ​രു​ടെ ജീ​വി​ത​ത്തെ​യും ക​ച്ച​വ​ട​ത്തെ​യും ആ​രാ​ധ​ന​ക​ളെ​യും സ്വ​പ്ന​ങ്ങ​ളെ​യും രൂ​പ​പ്പെ​ടു​ത്തി​യ എ​ക്കാ​ല​ത്തെ​യും അ​ട​ങ്ങാ​ത്ത ആ​ദി​മ താ​ള​മാ​ണ​ത്.

എ​ന്നാൽ ഇ​തേ തീ​ര​ത്തു​കൂ​ടി ഇ​ന്ന് ന​ട​ക്കു​ക​യാ​ണെ​ങ്കിൽ, മ​റ്റെ​ന്തോ ഒ​ന്നുകൂ​ടി ആ തി​ര​മാ​ല​കൾ തീ​ര​ത്തേ​ക്ക് കൊ​ണ്ടു​വ​രു​ന്ന​ത് കാ​ണാം- ഷാമ്പൂ പാ​ക്ക​റ്റു​ക​ളിൽ കു​രു​ങ്ങി​ക്കി​ട​ക്കു​ന്ന കീ​റി​യ മ​ത്സ്യ​ബ​ന്ധ​ന വ​ല, ഭ​ക്ഷ​ണ​മാ​ണെ​ന്ന് തെ​റ്റി​ദ്ധ​രി​ച്ച് കു​പ്പി​മൂ​ടി​ക്ക് മേൽ മൂ​ക്കു​ര​സു​ന്ന ക​ട​ലാ​മ​ക്കു​ഞ്ഞ്, മീ​നു​ക​ളേ​ക്കാൾ കൂ​ടു​തൽ അ​ള​വിൽ പ്ലാ​സ്റ്റി​ക് മാ​ലി​ന്യ​ങ്ങൾ നി​റ​ഞ്ഞ​തു​മാ​യ ഒ​രു മീൻ​പി​ടിത്ത​ക്കാ​ര​ന്റെ പ്ര​ഭാ​ത ശേ​ഖ​രം.

പ​വി​ഴ​വും മീൻ​പി​ടിത്ത​വും കൊ​ണ്ട് സ​മ്പ​ത്ത് അ​ള​ന്നി​രു​ന്ന പു​രാ​ത​ന ഭാ​ര​ത​ത്തി​നും ഇ​ന്ന​ത്തെ ഭാ​ര​ത​ത്തി​നും ഇ​ട​യിൽ എ​വി​ടെ​യോവ​ച്ച്, മാ​ലി​ന്യ​ങ്ങ​ളാൽ എ​ഴു​ത​പ്പെ​ട്ട ഒ​രു സ​ന്ദേ​ശം സ​മു​ദ്രം ന​മു​ക്ക് നൽ​കി​ത്തു​ട​ങ്ങി. ഒ​ടു​വിൽ ക​ഴി​ഞ്ഞ ദ​ശാ​ബ്ദ​ത്തിൽ ന​മ്മൾ അ​തി​ന് മ​റു​പ​ടി പ​റ​യാൻ തു​ട​ങ്ങി​യ​തി​ന്റെ ക​ഥ​യാ​ണി​ത്.

ന​മ്മു​ടെ ഭൂ​പ​ട​ത്തി​ന്റെ അ​തി​രി​ലെ​ന്ന​പോ​ലെ, ന​മ്മു​ടെ സ​ങ്കൽ​പ്പ​ങ്ങ​ളു​ടെ​യും അ​തി​രി​ലാ​യി​രു​ന്നു ഏ​റെ​ക്കാ​ലം തീ​ര​പ്ര​ദേ​ശ​ങ്ങൾ. ജ​ന​ങ്ങൾ സ​ന്ദർ​ശി​ക്കു​ക​യും ആ​സ്വ​ദി​ക്കു​ക​യും ചു​ഴ​ലി​ക്കാ​റ്റു​കൾ​ക്ക് ശേ​ഷം ദുഃ​ഖി​ക്കു​ക​യും ചെ​യ്ത, ഒ​രു പൊ​തുസ്വ​ത്താ​യി സം​ര​ക്ഷി​ക്കാൻ അ​പൂർവമാ​യി മാ​ത്രം പ​രി​ഗ​ണി​ക്ക​പ്പെ​ട്ട ഒ​രി​ടം. മുൻ​പ് സ​മു​ദ്ര പ​രി​പാ​ല​നം എ​ന്ന​ത് ഭ​ര​ണ​പ​ര​മാ​യ ഉ​പ​വി​ഷ​യം മാ​ത്ര​മാ​യി​രു​ന്നു: വി​വി​ധ വ​കു​പ്പു​ക​ളി​ലാ​യി ചി​ത​റി​ക്കി​ട​ന്ന​തും, ദൈ​നം​ദി​ന പ​രി​പാ​ല​ന​ത്തി​ന​പ്പു​റം ദു​ര​ന്ത​നി​വാ​ര​ണ പ്ര​വർ​ത്ത​ന​ങ്ങൾ​ക്ക് മുൻ​ഗ​ണ​ന നൽ​കി​യ​തു​മാ​യ ഒ​ന്നാ​യി​രു​ന്നു അ​ത്.

ഒ​റ്റ​ത്ത​വ​ണ ഉ​പ​യോ​ഗി​ക്കു​ന്ന പ്ലാ​സ്റ്റി​ക് മാ​ലി​ന്യ​ങ്ങ​ളിൽ ഭൂ​രി​ഭാ​ഗ​വും പു​ഴ​ക​ളി​ലൂ​ടെ​യും ഓ​ട​ക​ളി​ലൂ​ടെ​യും കാ​യ​ലു​ക​ളി​ലേ​ക്കും വി​ശാ​ല​മാ​യ സ​മു​ദ്ര​ത്തി​ലേ​യ്ക്കും ഒ​ഴു​കി​യെ​ത്തി. അ​വ പൂർ​ണമാ​യും ന​ശി​ച്ചു​പോ​കു​ന്ന​തി​ന് പ​ക​രം 'മൈ​ക്രോ​പ്ലാ​സ്റ്റി​ക്' (അ​ഞ്ച് മി​ല്ലി​മീ​റ്റ​റിൽ താ​ഴെ വ​ലി​പ്പ​മു​ള്ള പ്ലാ​സ്റ്റി​ക് ക​ണി​ക​കൾ) ആ​യി മാ​റു​ക​യാ​യി​രു​ന്നു. മ​ത്സ്യ​ങ്ങൾ ഇ​വ​യെ ആ​ഹാ​ര​മാ​ണെ​ന്ന് തെ​റ്റി​ദ്ധ​രി​ച്ച് ക​ഴി​ക്കു​ക​യും, അ​വ ന​മ്മു​ടെ ഭ​ക്ഷ​ണ​മേ​ശ​യി​ലെ​ത്തു​ക​യും ഒ​ടു​വിൽ ഭ​ക്ഷ്യ ശൃം​ഖ​ല​യി​ലൂ​ടെ മ​നു​ഷ്യ​ശ​രീ​ര​ത്തി​ലേ​ക്ക് നി​ശ​ബ്ദ​മാ​യി പ്ര​വേ​ശി​ക്കു​ക​യും ചെ​യ്യു​ന്നു​വെ​ന്ന് ഇ​ന്ന് ന​മു​ക്ക​റി​യാം.

ഉ​പേ​ക്ഷി​ക്ക​പ്പെ​ട്ട വ​ല​ക​ളിൽ കു​ടു​ങ്ങി ക​ടൽ​ജീ​വി​കൾ ച​ത്തൊ​ടു​ങ്ങി​പ്പൊ​യ്‌ക്കൊ​ണ്ടി​രു​ന്നു. ല​ക്ഷ​ക്ക​ണ​ക്കി​ന് തീ​ര​ദേ​ശ കു​ടും​ബ​ങ്ങ​ളു​ടെ ഉ​പ​ജീ​വ​ന​മാർ​ഗ​മാ​യ പ​വി​ഴ​പ്പു​റ്റു​ക​ളും ക​ണ്ടൽ​ക്കാ​ടു​ക​ളും മ​ത്സ്യ​സ​മ്പ​ത്തും നി​ശ​ബ്ദ​വും അ​ദൃ​ശ്യ​വു​മാ​യ നാ​ശ​ത്തി​ന് ഇ​ര​യാ​യി​ക്കൊ​ണ്ടി​രു​ന്നു. വേ​ണ്ട​ത്ര ശ്ര​ദ്ധി​ക്ക​പ്പെ​ടാ​തെ പോ​യ ഏ​റ്റ​വും വ​ലി​യ പാ​രി​സ്ഥി​തി​ക വെ​ല്ലു​വി​ളി​ക​ളി​ലൊ​ന്നാ​യി​രു​ന്നു ഇ​ത്.

എ​ന്നാൽ മാ​റി​യ​ത് വെ​റു​മൊ​രു ന​യം മാ​ത്ര​മ​ല്ല. ശു​ചി​ത്വം എ​ന്ന​ത് മ​റ്റാ​രു​ടെ​യെ​ങ്കി​ലും ഉ​ത്ത​ര​വാ​ദിത്വ​മാ​യി കാ​ണാൻ ക​ഴി​യി​ല്ലെ​ന്നും, 2014​ൽ സ്വ​ച്ഛ് ഭാ​ര​ത് മി​ഷ​ന് തു​ട​ക്കം കു​റി​ച്ചു​കൊ​ണ്ട് പ്ര​ധാ​ന​മ​ന്ത്രി പ​റ​ഞ്ഞ​തു​പോ​ലെ അ​ത് ഒ​രു 'ജ​ന ആ​ന്ദോ​ളൻ' (ജ​ന​കീ​യ പ്ര​സ്ഥാ​നം) ആ​ക​ണ​മെന്നും. മോ​ദി ഗ​വ​ൺമെന്റ് ബോ​ധ​പൂർ​വം എ​ടു​ത്ത തീ​രു​മാ​ന​മാ​യി​രു​ന്നു അ​ത്.

ഇ​ന്ത്യ​യ്ക്ക് അ​തി​ന്റെ ന​ഗ​ര​ങ്ങൾ ശു​ചീ​ക​രി​ക്കാൻ ജ​ന​ങ്ങ​ളെ അ​ണി​നി​ര​ത്താ​മെ​ങ്കിൽ, സ​മു​ദ്ര​ങ്ങ​ളു​ടെ കാ​ര്യ​ത്തി​ലും എ​ന്തു​കൊ​ണ്ട് അ​ത് സാ​ദ്ധ്യ​മാ​ക്കി​ക്കൂ​ടാ? ആ ചോ​ദ്യ​ത്തി​നു​ള്ള ഉ​ത്ത​ര​മാ​ണ് 2022​ൽ 'സ്വ​ച്ഛ് സാ​ഗർ സു​ര​ക്ഷി​ത് സാ​ഗർ' എ​ന്ന പേ​രിൽ ഉ​യർ​ന്നു​വ​ന്ന​ത്.

കേ​വ​ലം ഒ​രു ദി​വ​സ​ത്തെ ഫോ​ട്ടോ എ​ടു​പ്പ് പ​രി​പാ​ടി​യാ​യ​ല്ല മ​റി​ച്ച് ശാ​സ്ത്രീ​യ അ​ടി​ത്ത​റ​യു​ള്ള, ജ​ന​കീ​യ ശ​ക്തി​യാൽ ന​യി​ക്ക​പ്പെ​ടു​ന്ന സു​സ്ഥി​ര പ്ര​സ്ഥാ​ന​മാ​യാ​ണ് അ​ത് രൂ​പ​കൽ​പ്പ​ന ചെ​യ്ത​ത്. 1986​ൽ ആ​രം​ഭി​ച്ച​തും ഇ​ന്ന് നൂ​റി​ല​ധി​കം രാ​ജ്യ​ങ്ങ​ളി​ലെ സ​ന്ന​ദ്ധ​പ്ര​വർ​ത്ത​ക​രെ കൈ​യു​റ​ക​ളും സ​ഞ്ചി​ക​ളും ദൃ​ഢ​നി​ശ്ച​യ​വു​മാ​യി തീ​ര​ങ്ങ​ളി​ലെ​ത്തി​ക്കു​ന്ന​തു​മാ​യ ആ​ഗോ​ള പ​രി​പാ​ടി​യാ​യ 'അ​ന്താ​രാ​ഷ്ട്ര തീ​ര​ദേ​ശ ശു​ചീ​ക​ര​ണ ദി​ന'വു​മാ​യി (സെപ്തംബർ മാ​സ​ത്തി​ലെ മൂ​ന്നാ​മ​ത്തെ ശ​നി​യാ​ഴ്ച) ഒ​ത്തു​പോ​കു​ന്ന ത​ര​ത്തി​ലാ​ണ് ഓ​രോ വർ​ഷ​വും ഈ പ്ര​ചാ​ര​ണം ന​ട​ക്കു​ന്ന​ത്.

ആ​ദ്യ വർ​ഷ​ത്തിൽ 'സ്വ​ച്ഛ് സാ​ഗർ സു​ര​ക്ഷി​ത് സാ​ഗർ' 75 ദി​വ​സ​ങ്ങ​ളി​ലാ​യി 75 കേ​ന്ദ്ര​ങ്ങ​ളി​ലാ​ണ് ന​ട​ന്ന​ത്. ഈ സെപ്തംബ​റിൽ 'സ്വ​ച്ഛ് സാ​ഗർ സു​ര​ക്ഷി​ത് സാ​ഗർ 5.0' ആ​രം​ഭി​ക്കു​മ്പോൾ ഈ കൂ​ട്ടാ​യ്മ കൂ​ടു​തൽ ശ​ക്ത​മാ​യി​ട്ടു​ണ്ട്. ഒ​രു മ​ന്ത്രാ​ല​യം മാ​ത്ര​മ​ല്ല, രാ​ജ്യം മു​ഴു​വൻ ഇ​തി​നാ​യി ഒ​ന്നി​ക്കു​ന്നു.

പ​ങ്കാ​ളി​ത്തവും

പ്ര​വർ​ത്ത​ന രീ​തിയും

ഈ വർ​ഷ​ത്തെ പ്ര​ചാ​ര​ണ​ത്തി​ന്റെ പ്ര​ത്യേ​ക​ത അ​തി​ന്റെ പ​ങ്കാ​ളി​ത്തം മാ​ത്ര​മ​ല്ല, പ്ര​വർ​ത്ത​ന രീ​തി കൂ​ടി​യാ​ണ്. സെപ്തം​ബർ 12 മു​തൽ 19 വ​രെ​യു​ള്ള ദി​വ​സ​ങ്ങ​ളിൽ ന​മ്മു​ടെ തീ​ര​പ്ര​ദേ​ശ​ങ്ങൾ സ​മു​ദ്ര സം​ര​ക്ഷ​ണ​ത്തി​ന്റെ വ​ലി​യൊ​രു ഉ​ത്സ​വ​ത്തി​ന് വേ​ദി​യാ​കും. സെപ്തംബർ 19​ലെ അ​ന്താ​രാ​ഷ്ട്ര തീ​ര​ദേ​ശ ശു​ചീ​ക​ര​ണ ദി​ന​ത്തിൽ ഈ പ്ര​ചാ​ര​ണം ഏ​റ്റ​വും വ​ലി​യ ഒ​റ്റ​ദി​വ​സ​ത്തെ ശു​ചീ​ക​ര​ണ​ത്തോ​ടെ പൂർ​ത്തി​യാ​കും. ഇ​ത് ജി​യോ​ടാ​ഗ് ചെ​യ്ത് ഡി​ജി​റ്റ​ലാ​യി ലോ​ഗിൻ ചെ​യ്തി​രി​ക്കു​ന്ന​തി​നാൽ ശേ​ഖ​രി​ക്കു​ന്ന ഓ​രോ ബാ​ഗ് മാ​ലി​ന്യ​വും ഡാ​റ്റ​യാ​യി മാ​റും, കൃ​ത്യ​മാ​യ ക​ണ​ക്കു​കൾ അ​ള​ക്കാ​നും വ​രും വർ​ഷ​ങ്ങ​ളിൽ പ്ര​വർ​ത്ത​ന​ങ്ങൾ കൂ​ടു​തൽ മെ​ച്ച​പ്പെ​ടു​ത്താ​നും സാ​ധി​ക്കു​ന്ന ഒ​രു റെ​ക്കോർ​ഡ്.

സാ​ങ്കേ​തി​ക​വി​ദ്യ നി​ശ​ബ്ദ​മാ​യി ഈ പ്ര​സ്ഥാ​ന​ത്തി​ന്റെ ന​ട്ടെ​ല്ലാ​യി മാ​റി​യി​രി​ക്കു​ന്നു: സ​ന്ന​ദ്ധ​പ്ര​വർ​ത്ത​കർ ഡി​ജി​റ്റ​ലാ​യി ര​ജി​സ്റ്റർ ചെ​യ്യു​ന്നു, ശു​ചീ​ക​ര​ണ കേ​ന്ദ്ര​ങ്ങൾ ത​ത്സ​മ​യം മാ​പ്പിൽ അ​ട​യാ​ള​പ്പെ​ടു​ത്തു​ക​യും ജി​യോ​ടാ​ഗ് ചെ​യ്യു​ക​യും ചെ​യ്യു​ന്നു, കൂ​ടാ​തെ കഠി​നാ​ദ്ധ്വാ​ന​ത്തി​ലൂ​ടെ വി​യർ​പ്പൊ​ഴു​ക്കി​യ ആ പ്ര​ഭാ​ത​ത്തെ ഒ​രു ഉ​ത്ത​ര​വാ​ദിത്വ​മു​ള്ള പൗ​ര​ന്റെ അം​ഗീ​കൃ​ത പ്ര​വൃ​ത്തി​യാ​യി മാ​റ്റു​ന്ന ഡി​ജി​റ്റൽ സർ​ട്ടി​ഫി​ക്ക​റ്റു​കൾ പ​ങ്കാ​ളി​കൾ​ക്ക് ല​ഭി​ക്കു​ക​യും ചെ​യ്യു​ന്നു.