വാസ്തുദോഷം അകറ്റാം; വീടിന്റെ ഐശ്വര്യവും സമ്പത്തുമുയർത്താൻ ഗൃഹനാഥ ഇക്കാര്യങ്ങൾ ചെയ്യണം

കുടുംബത്തിൽ ഐശ്വര്യവും സമാധാനവും സമ്പദ്‌സമൃദ്ധിയുമുണ്ടാകുന്നതിൽ ഗൃഹനാഥയ്ക്ക് വലിയ പങ്കുണ്ടെന്ന് വാസ്‌തുവിൽ പറയുന്നു. വീട്ടിൽ വാസ്‌തുപ്രകാരമുള്ള ഊർജം നിലനിർത്തുക ശ്രമകരമാണ്. അതിനായി ഗൃഹനാഥ ചില കാര്യങ്ങൾ ശ്രദ്ധിക്കേണ്ടതായുണ്ട്.

• സൂര്യോദയത്തിനുമുൻപ് കുടുംബാംഗങ്ങളെ ഈശ്വരസ്‌മരണയോടെ ഉണർത്താൻ ശ്രമിക്കണം.
• ദിവസവും രാവിലെയും വൈകിട്ടും നിലവിളക്ക് കൊളുത്തണം. കിഴക്കോട്ടും പടിഞ്ഞാറോട്ടും കൈകൂപ്പൂന്ന രീതിയിൽ രണ്ടുതിരിയിട്ടുവേണം വിളക്ക് കത്തിക്കാൻ.
• പീഠത്തിലോ തട്ടത്തിലോ വിളക്ക് വച്ച് മുന്നിൽ പുഷ്പങ്ങൾ, ചന്ദനത്തിരി, വാൽക്കിണ്ടിയിൽ വെള്ളം എന്നിവ വയ്ക്കുന്നത് ഉത്തമമാണ്.
• നിലവിളക്ക് കരി പിടിക്കാതെയും എണ്ണയിൽ പ്രാണികൾ വീഴാതെയും ശ്രദ്ധിക്കണം.
• പ്രധാന വാതിലിന് മുകളിലായി ഇഷ്ടദൈവത്തിന് ചിത്രം സ്ഥാപിക്കണം.
• കുടുംബാംഗങ്ങൾ ഇശ്വരഭജന ചെയ്യണം.
• കുടുംബാംഗങ്ങൾ ഒരുനേരമെങ്കിലും ഒന്നിച്ചിരുന്ന് ഭക്ഷണം കഴിക്കണം.
• കുടുംബാംഗങ്ങൾ സന്ധ്യാസമയത്ത് കിടന്നുറങ്ങുകയോ ഭക്ഷണം കഴിക്കുകയോ മുടി ചീകുകയോ അരുത്.
• വീട് എപ്പോഴും വൃത്തിയായി സൂക്ഷിക്കണം.
• ഉപയോഗമില്ലാത്ത വസ്തുക്കൾ സമയാസമയം വീടിന് പുറത്തേയ്ക്ക് മാറ്റണം.
• വീടിന്റെ മൂലകൾ എപ്പോഴും വൃത്തിയായി സൂക്ഷിക്കണം.
• വീടിന്റെ വടക്കുപടിഞ്ഞാറെ മൂലയായ ഈശാനകോണിൽ അശുദ്ധി പാടില്ല.
• വീടിന്റെ തെക്കുപടിഞ്ഞാറ് ദിശയിലോ പ്രധാന വാതിലിനുനേരെയോ കുടുംബഫോട്ടോ വയ്ക്കണം.
• പറമ്പിൽ കൂവളം, നെല്ലി, തുളസി എന്നിവ നട്ടുവളർത്താം.
• സന്ധ്യാസമയത്തും ചൊവ്വ, വെള്ളി ദിവസങ്ങളിലും പലവ്യഞ്ജനങ്ങൾ, പണം എന്നിവ കടം കൊടുക്കരുത്.
• പുണ്യദിനങ്ങളിലും പിറന്നാൾ ദിവസങ്ങളിലും സസ്യാഹാരം കഴിക്കണം.