ശരിയായ സ്ഥാനത്ത് തുളസിച്ചെടി നട്ടാൽ ഇരട്ടിഫലം; ഒരു കാരണവശാലും ഈ ദിശയിൽ നടരുത്

ഭാരതീയ സംസ്‌കാരത്തിലും പാരമ്പര്യത്തിലും വിശുദ്ധമായി കണക്കാക്കപ്പെടുന്ന ഒരു സസ്യമാണ് തുളസിച്ചെടി. ഔഷധഗുണങ്ങളാൽ സമ്പന്നമായ ഈ വിശിഷ്‌ട സസ്യം ആരോഗ്യത്തിന് മാത്രമല്ല, കുടുംബത്തിന്റെ സമാധാനത്തിനും ഐശ്വര്യത്തിനും ആത്മീയമായ ഉന്നമനത്തിനും സഹായകമാണെന്ന് വിശ്വസിക്കപ്പെടുന്നു. അതുകൊണ്ടുതന്നെ വാസ്‌തുശാസ്‌ത്രത്തിൽ തുളസിച്ചെടിക്ക് വിശിഷ്‌ട സ്ഥാനമാണുള്ളത്.

വീട്ടിൽ തുളസിച്ചെടി നടുന്നത് ശുഭകരമാണെങ്കിലും ഏത് ദിശയിലാണ് നടുന്നതെന്ന കാര്യം പ്രത്യേകം ശ്രദ്ധിക്കേണ്ടതുണ്ട്. വാസ്‌തുശാസ്‌ത്രം അനുസരിച്ച് വടക്കുകിഴക്കേ മൂലയിൽ തുളസിച്ചെടി നടുന്നതാണ് ഏറ്റവും ഉത്തമം. കിഴക്ക് ദിശയിൽ തുളസിച്ചെടി വയ്‌ക്കുന്നത് പോസിറ്റീവ് എനർജി വർദ്ധിപ്പിക്കുമെന്ന് പറയപ്പെടുന്നു. തെക്ക് ദിശയിൽ തുളസിച്ചെടി വയ്‌ക്കാതിരിക്കുന്നതാണ് നല്ലതെന്ന് പരിസ്ഥിതി ശാസ്‌ത്രജ്ഞർ പറയുന്നു. തുളസിനടുന്ന ഭാഗം വൃത്തിയായി സൂക്ഷിക്കണമെന്നാണ് വിശ്വാസം.

എല്ലാ ദിവസവും ചെടികൾ നനയ്‌ക്കുന്നത് ചെടികളെ ആരോഗ്യത്തോടെയും പരിസ്ഥിതിയെ പുതുമയോടെയും നിലനിർത്തുന്നു. ചെടികൾ ശരിയായ ദിശയിൽ നടുന്നതും വൈകുന്നേരങ്ങളിൽ തുളസിച്ചെടിയുടെ ചുവട്ടിൽ വിളക്കുവയ്‌ക്കുന്നതും കുടുംബത്തിൽ സമാധാനവും സമൃദ്ധിയും കൊണ്ടുവരുമെന്നാണ് വാസ്‌തുശാസ്‌ത്രം പറയുന്നത്.