കറാച്ചിയിൽ യുവാവ്​ സഹോദരിയെ വെടിവച്ച്​ കൊന്നു

ഇസ്ലാമാബാദ്: പാകിസ്ഥാനിലെ കറാച്ചിയിൽ ദുരഭിമാനക്കൊല. ഹസമിൻ ഖമർ എന്നയാളാണ്​ അയൽക്കാരനുമായി നിരന്തരം സംസാരിച്ചതിന് സഹോദരിയെ വെടിവച്ചുകൊന്നത്. തലയ്ക്ക് വെടിയേറ്റ​ പെൺകുട്ടിയെ ജിന്ന പോസ്​റ്റ്​ ഗ്രാജുവേറ്റ്​ മെഡിക്കൽ സെന്ററിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. പ്രതിയെ പൊലീസ്​ പിടികൂടി. ആക്രമണത്തിന്​ ഉപയോഗിച്ച തോക്കും കണ്ടുകെട്ടിയിട്ടുണ്ട്​. ദുരഭിമാന കൊലയാണെന്ന കാര്യം യുവാവ്​ സമ്മതിച്ചിട്ടുണ്ടെന്ന്​ സീനിയർ പൊലീസ്​ സൂപ്രണ്ട്​ നസീർ അറിയിച്ചതായി പാക്​ മാദ്ധ്യമങ്ങൾ റിപ്പോർട്ട്​ ചെയ്​തു.