വമ്പൻ താരനിരയുമായി അമൽ നീരദിന്റെ 'ബാച്ച്‌ലർ പാർട്ടി Deux ' വരുന്നു

പ്രശസ്ത സംവിധായകനും ക്യാമറാമാനുമായ അമൽ നീരദിന്റെ ഏറ്റവും പുതിയ ചിത്രം ' ബാച്ച്‌ലർ പാർട്ടി D'eux' ഔദ്യോഗികമായി പ്രഖ്യാപിച്ചു. 2012ൽ പുറത്തിറങ്ങിയ ബാച്ച്‌ലർ പാർട്ടിയുടെ രണ്ടാം ഭാഗമായാണ് ചിത്രം അവതരിപ്പിച്ചിരിക്കുന്നത്. ഡുഎക്സ് ( D'eux) എന്ന ഫ്രഞ്ച് വാക്കിന് രണ്ട് എന്നും 'അവരുടെ' അല്ലെങ്കിൽ ' അവരെക്കുറിച്ച്' എന്നുമാണ് അ‌ർത്ഥം.

യംഗ് ജനറേഷൻ താരങ്ങളെയും മലയാളത്തിലെ മുൻനിര താരങ്ങളെയും അണി നിരത്തിയാണ് ചിത്രം ഒരുങ്ങുന്നത്. നസ്‌ലൻ,​ കുഞ്ചാക്കോ ബോബൻ,​സൗബിൻ ഷാഹിർ,​ ഷറഫുദ്ദീൻ,​ ശ്രീനാഥ് ഭാസി,​ ചന്തു സലിംകുമാർ ,​ ടൊവിനോ തോമസ്,​ ഷൈൻ ടോം ചാക്കോ,​ പാരീസ് ലക്ഷ്മി,​ നാദിയ മൊയ്തു,​ രജീഷ വിജയൻ,​ ജ്യോതിർമയി,​ ഹൻസിക കൃഷ്ണ തുടങ്ങിയ വൻതാരനിരയാണ് ചിത്രത്തിലുള്ളത്.

അമൽ നീരദ് പ്രൊഡക്ഷൻസ്,​ അൻവർ റഷീദ് എന്റർടെയ്ൻമെന്റ്സ് ,​ ഫഹദ് ഫാസിൽ ആൻഡ് ഫ്രണ്ട്സ് എന്നീ ബാനറുകൾ ചേർന്നാണ് നിർമ്മാണം. ഛായാഗ്രഹണം : അപ്പു പ്രഭാകർ,​ എഡിറ്റർ : വിവേക് ഹർഷൻ,​ സംഗീതം : ക്രിസ്റ്റോ സേവ്യർ,​ സംഭാഷണം : ഉണ്ണി ആർ. സൗണ്ട് ഡിസൈൻ : lതപസ് നായക്,​ പ്രൊഡക്ഷൻ ഡിസൈൻ : ജോസഫ് നെല്ലിക്കൽ,​ ഗാനരചന : റഫീഖ് അഹമ്മദ്,​ വിനായക് ശശികുമാർ,​ കോസ്റ്റ്യൂം : മഷർ ഹംസ്,​ മേക്കപ്പ് : റോണക്സ് സേവ്യർ. പി.ആർ.ഒ : ആതിര ദിൽജിത്ത്.