ദിനേശ് പ്രഭാകർ നായകനായി 'ദൈവത്താൻ കുന്ന്'

ദിനേശ് പ്രഭാകർ നായകനായി ജോഷി മാത്യു സംവിധാനം ചെയ്യുന്ന ദൈവത്താൻ കുന്ന് ഇന്ന് പ്രദർശനത്തിന് എത്തും. കാലാകാലങ്ങളായി മനുഷ്യൻ മനസ്സിൽ കൊണ്ടു നടക്കുന്ന, വിശ്വസിച്ചു വരുന്ന ഒരു മിത്തിനെ അടിസ്ഥാനമാക്കിയാണ് പ്രമേയം. ബ്ലാക്ക് ഫോറസ്റ്റ് , അങ്ങു ദൂരെ ഒരു ദേശത്ത് എന്നീ ചിത്രങ്ങൾക്ക് ശേഷം സംവിധായകൻ ജോഷി മാത്യുവും നിർമ്മാതാവ് ബേബി മാത്യു സോമതീരവും വീണ്ടും ഒരിക്കൽ കൂടി ഒന്നിക്കുന്ന ദൈവത്താൻ കുന്ന് പൈതൃകമായ സ്വത്തുക്കളും നാട്ടറിവുകളും സംരക്ഷിക്കേണ്ടത് എങ്ങിനെയെന്ന് പ്രേക്ഷകരെ ബോധ്യപ്പെടുത്തുന്നു.

സോമു മാത്യു, ആർട്ടിസ്റ്റ് സുജാതൻ,ഹരി നമ്പൂതിരി,സഞ്ജു ജോഷി മാത്യു, ജിൻസി,മാസ്റ്റർ അർണ്ണവു,മാസ്റ്റർ മുന്ന,ബേബി ദേവിക, ലിബിക തുടങ്ങിയവരാണ് മറ്റു താരങ്ങൾ. സോമ ക്രിയേഷൻസിന്റെ ബാനറിൽ ആണ് നിർമ്മാണം. രചന-ശ്രീ പാർവതി, ഛായാഗ്രഹണം- രാജേഷ് പീറ്റർ, മേക്കപ്പ്-പട്ടണം റഷീദ്,പട്ടണം ഷാ, കോസ്റ്റ്യൂംസ്-ഇന്ദ്രൻസ് ജയൻ,എഡിറ്റിങ്- വി സാജൻ,സംഗീതം- മോഹൻ സിതാര, ബാക്ക് ഗ്രൗണ്ട് മ്യൂസിക്- ബിജിബാൽ, ഗാനരചന-അൻവർ അലി,സ്മിത പിഷാരടി, കല-ജി ലക്ഷ്മൺ മാലം, അസോസിയേറ്റ് ഡയറക്ടർ-അനൂപ് കെ. എസ്, പി.ആർ. ഒ എ. എസ്. ദിനേശ്, കൃഷ്ണൻ മാലം.