ദേശീയ ചലച്ചിത്ര അവാർഡ് പ്രഖ്യാപനം ഇന്ന് മികച്ച നടനുള്ള പട്ടികയിൽ മമ്മൂട്ടിയും

ന്യൂഡൽഹി: 'ഭ്രമയുഗ'ത്തിലെ വിസ്മയ പ്രകടനത്തിന് മമ്മൂട്ടിക്ക് മികച്ച നടനുള്ള ദേശീയ ചലച്ചിത്ര പുരസ്കാരം ലഭിക്കുമോയെന്ന് ഇന്നറിയാം. ഭ്രമയുഗത്തിന് പുറമെ മഞ്ഞുമ്മൽ ബോയ്‌സ്, കിഷ്‌കിന്ധ കാണ്ഡം തുടങ്ങിയ ചിത്രങ്ങളും 72-ാം ദേശീയ ചലച്ചിത്ര അവാർഡുകളുടെ അവസാന റൗണ്ടിൽ എത്തിയെന്നാണ് സൂചന. ഇന്നാണ് അവാർഡ് പ്രഖ്യാപനം.

മമ്മൂട്ടിക്ക് പുറമെ,​ കിഷ്‌കിന്ധകാണ്ഡത്തിൽ മികച്ച അഭിനയം കാഴ്‌ചവച്ച വിജയരാഘവനും അവാർഡ് പോരാട്ടത്തിലുണ്ട്. 2024ൽ റിലീസ് ചെയ്‌ത ചിത്രങ്ങളാണ് പ്രശസ്‌ത മലയാളി സംവിധായകൻ ജയരാജ് നേതൃത്വം നൽകുന്ന കേന്ദ്ര ജൂറി പരിഗണിച്ചത്. 2012ലും ജയരാജ് ജൂറി ചെയർമാനായിരുന്നു. 2025ൽ പ്രഖ്യാപിച്ച 71-ാം ദേശീയ ചലച്ചിത്ര അവാർഡുകളിൽ സഹനടി (ഉർവശി), സഹനടൻ (വിജയരാഘവൻ) അടക്കം നിരവധി പുരസ്കാരങ്ങൾ മലയാളത്തിന് ലഭിച്ചിരുന്നു.