സന്ദീപ് ജി.വാരിയർ എം.എൽ.എയുടെ പിതാവ് നിര്യാതനായി

പാലക്കാട്: സന്ദീപ് ജി.വാരിയർ എം.എൽ.എയുടെ പിതാവ് ചെത്തല്ലൂർ മഹാദേവ പന്തൽ വാര്യത്ത് ഗോവിന്ദ വാരിയർ (83) നിര്യാതനായി. വർദ്ധക്യസഹജമായ അസുഖങ്ങളെ തുടർന്ന് കോഴിക്കോട് മിംസ് ആശുപത്രിയിൽ ചികിത്സയിലിരിക്കെ ഇന്നലെ രാവിലെയായിരുന്നു മരണം. വിമുക്ത ഭടനായിരുന്നു. സമൂഹമാദ്ധ്യമങ്ങളിലൂടെ എം.എൽ.എ വിവരം പങ്കുവെക്കുകയായിരുന്നു. ജീവിതത്തിലെ താങ്ങും തണലും പിന്തുണയുമായിരുന്ന അച്ഛൻ എം.വി.ഗോവിന്ദവാര്യർ ഞങ്ങളെ വിട്ട് പോയെന്ന് സന്ദീപ് വാര്യർ ഫെയ്സ്ബുക്കിൽ കുറിച്ചു. ഭാര്യ: പരേതയായ രുഗ്മിണി (റിട്ട. പ്രധാനാദ്ധ്യാപിക, ചെത്തല്ലൂർ യു.പി സ്‌കൂൾ). പരേതയായ ദീപ്തി മകളാണ്. സംസ്‌കാരം വീട്ടുവളപ്പിൽ നടത്തി.