രമ്യ ഹരിദാസിനെ പേരെടുത്ത് പറയാതെ പരിഹസിച്ച് റിജിൽ മാക്കുറ്റി 

കണ്ണൂർ: ചിറയിൻകീഴ് കയ്യാങ്കളി വിവാദമായിരിക്കെ രമ്യ ഹരിദാസ് എം.എൽ.എയെ പേരെടുത്തു പറയാതെ പരിഹസിച്ച് കണ്ണൂർ കോർപറേഷൻ പൊതുമരാമത്ത് സ്റ്റാൻഡിംഗ് കമ്മിറ്റി ചെയർപേഴ്സൺ റിജിൽ മാക്കുറ്റി. യു.ഡി.എഫ് തരംഗത്തിലും എന്തുകൊണ്ട് ആലത്തൂരിൽ തോറ്റു എന്നതിന് ഉത്തരം കിട്ടിയല്ലോ എന്നാണ് അദ്ദേഹം ഫെയ്സ്ബുക്കിൽ കുറിച്ചത്. ചിറയിൻകീഴ് സംഭവത്തിൽ പാർട്ടിയിൽ പരസ്യപ്രതികരണങ്ങൾ പാടില്ലെന്ന നിബന്ധന നിലനിൽക്കെയാണിത്. കഴിഞ്ഞ ലോക്‌സഭ തിരഞ്ഞെടുപ്പിൽ സംസ്ഥാനത്തെ 18 സീറ്റിലും യു.ഡി.എഫ് ജയിച്ചെങ്കിലും ആലത്തൂരിലെ സിറ്റിംഗ് സീറ്റിൽ രമ്യ ഹരിദാസ് പരാജയപ്പെട്ടിരുന്നു. ഇത് ചൂണ്ടിക്കാട്ടിയായിരുന്നു റിജിൽ മാക്കുറ്റിയുടെ പരിഹാസം.