ദൈവദശകം ആഗോളപ്രാർത്ഥന: വെള്ളാപ്പള്ളി പങ്കെടുക്കും

കൊച്ചി: എസ്.എൻ.ഡി​.പി​ യോഗം ജനറൽ സെക്രട്ടറി​ വെള്ളാപ്പള്ളി​ നടേശനും ഭാര്യ പ്രീതി​ നടേശനും യോഗം കണി​ച്ചുകുളങ്ങര യൂണി​യൻ ആസ്ഥാനത്ത് ദൈവദശകം ആഗോളപ്രാർത്ഥനയിൽ പങ്കെടുക്കും. ലോകത്തിന്റെ വിവിധ ഭാഗങ്ങളിലുള്ള എസ്.എൻ.ഡി.പി യോഗം യൂണിയനുകളുടെയും ശാഖകളുടെയും പോഷക സംഘടനകളുടെയും നേതൃത്വത്തിൽ പരമാവധി ശ്രീനാരായണീയരെ ദൈവദശക ആലാപനത്തിൽ പങ്കാളിയാക്കണമെന്ന് യോഗം ജനറൽ സെക്രട്ടറി വെള്ളാപ്പള്ളി നടേശൻ അഭ്യർത്ഥിച്ചു.

മുൻപശ്ചി​മബംഗാൾ ഗവർണർ ഡോ. സി​.വി​.ആനന്ദബോസ്, സ്വാമി​ വി​വി​ക്താനന്ദ സരസ്വതി​ (ചി​ന്മയ മി​ഷൻ), റി​ട്ട. ജസ്റ്റി​സ് എൻ.നഗരേഷ് തുടങ്ങി​യവർ ന്യൂഡൽഹി​ ആർ.കെ പുരം അയ്യപ്പക്ഷേത്രത്തി​ൽ പ്രാർത്ഥനയിൽ പങ്കെടുക്കും. എസ്.എൻ.ഡി.പി യോഗവും പോഷകസംഘടനകളും വിവിധ ശ്രീനാരായണ പ്രസ്ഥാനങ്ങളും അതത് ഇടങ്ങളിൽ സഹസംഘാടകരാകും. കേരളത്തി​ൽ എസ്.എൻ.ഡി​.പി യോഗം വി​പുലമായ​ ഒരുക്കങ്ങൾ പൂർത്തി​യാക്കി. യൂണിയൻ ഓഫീസുകൾക്ക് പുറമേ ശാഖകൾ, ഗുരുമന്ദിരങ്ങൾ, യോഗത്തിന് കീഴിലുള്ള സ്ഥാപനങ്ങൾ എന്നിവിടങ്ങളിൽ ദൈവദശകം ആലപിക്കും.

യുദ്ധവും സംഘർഷവും വിദ്വേഷങ്ങളും മാനവരാശിയുടെ ഹൃദയങ്ങളെ മുറിവേൽപ്പിക്കുന്ന കാലത്ത് സ്നേഹത്തിന്റെയും സമാധാനത്തിന്റെയും സാഹോദര്യത്തിന്റെയും വിശ്വമാനവിക സന്ദേശങ്ങൾ ആഗോളതലത്തിൽ പ്രചരിപ്പിക്കുക എന്നതാണ് പരിപാടിയുടെ ലക്ഷ്യം.