തീപ്പെട്ടി പണിമുടക്കിയോ? വലിച്ചെറിയും മുൻപ് ഇതൊന്ന് പരീക്ഷിക്കൂ!

മഴക്കാലത്ത് അന്തരീക്ഷത്തിലെ ഈർപ്പം തട്ടിയ തീപ്പെട്ടി കത്തിക്കാൻ പാടുപെടുകയാണോ? വായുവിലെ ഈർപ്പം തട്ടി തീപ്പെട്ടിക്കൊള്ളിയിലെ മരുന്ന് മൃദുവാകുന്നതാണ് ഇതിന് കാരണം. എന്നാൽ നിങ്ങളുടെ അടുക്കളയിലുള്ള ചില സാധാരണ വസ്തുക്കൾ ഉപയോഗിച്ച് ഈ പ്രശ്നം വളരെ എളുപ്പത്തിൽ പരിഹരിക്കാൻ സാധിക്കും. അതിനായുള്ള ചില സിമ്പിൾ അടുക്കള വിദ്യകൾ നോക്കാം.

• തീപ്പെട്ടി കൂടുതൽ കാലം ഈർപ്പമടിക്കാതെ സൂക്ഷിക്കാൻ അതിൽ ഒരു നുള്ള് ഉപ്പ് ഇട്ടുവയ്ക്കുക. ഉപ്പിന് അന്തരീക്ഷത്തിലെ ഈർപ്പത്തെ വേഗത്തിൽ ആഗിരണം ചെയ്യാൻ സാധിക്കും. തൽഫലമായി തീപ്പെട്ടിക്കോലുകൾ എപ്പോഴും ഈർപ്പം തട്ടാതെ ഇരിക്കാൻ സഹായിക്കുന്നു. അതേസമയം, ഉപ്പിന്റെ അളവ് കൂടാതെ ശ്രദ്ധിക്കണം.

• തീപ്പെട്ടിയ്ക്കുള്ളിൽ കുറച്ച് അരിമണികൾ ഇട്ടുവയ്ക്കുന്നതാണ് മറ്രൊരു വിദ്യ. അരി വായുവിലെ ഈർപ്പം പൂർണമായി വലിച്ചെടുക്കുകയും തീപ്പെട്ടിക്കോലുകളെ എപ്പോഴും ഈർപ്പം തട്ടാതെ നിലനിർത്താൻ സഹായിക്കുകയും ചെയ്യുന്നു.

• ഇനി നനഞ്ഞ തീപ്പെട്ടിയാണെങ്കിൽ വളരെ പെട്ടെന്ന് ഉണക്കാനും വഴിയുണ്ട്, ഒരു ഹെയർ ഡ്രയർ ഉപയോഗിച്ച് അവ എളുപ്പത്തിൽ ഉണക്കാൻ സാധിക്കും.

• അടുപ്പിൽ ഒരു പാത്രം വച്ച് നന്നായി ചൂടാക്കണം. ശേഷം പാത്രം അടുപ്പിൽ നിന്നും പുറത്തെടുക്കാം. ഇതിലേയ്ക്ക് നനഞ്ഞ തീപ്പെട്ടിക്കോലുകൾ ഇട്ട് ഉണക്കിയെടുക്കാം. ഇത് തീപ്പെട്ടികോലുകൾ വേഗത്തിൽ ഉണങ്ങുന്നതിനും കത്തുന്നതിനും സഹായിക്കുന്നു.