പരിസ്ഥിതി ബോധവത്കരണം

ആലപ്പുഴ: പരിസ്ഥിതി ദിനാചരണത്തിന്റെ ഭാഗമായി ടി.കെ.എം.എം. കോളേജ്, നങ്ങ്യാർകുളങ്ങരയിൽ വനം-വന്യജീവി വകുപ്പിന്റെയും ആലപ്പുഴ നാച്ചുറൽ ഹിസ്റ്ററി സൊസൈറ്റി യുടെയും സഹകരണത്തോടെ പരിസ്ഥിതി ബോധവത്കരണ പരിപാടി സംഘടിപ്പിച്ചു. വാർഡ് കൗൺസിലർ മായാദേവി അധ്യക്ഷത വഹിച്ച ചടങ്ങ് ഹരിപ്പാട് നഗരസഭ ചെയർപേഴ്സൺ വൃന്ദ എസ്. കുമാർ ഉദ്ഘാടനം ചെയ്തു. സാമൂഹ്യ വനവൽക്കരണ വിഭാഗം, ആലപ്പുഴ അസിസ്റ്റന്റ് ഫോറസ്റ്റ് കൺസർവേറ്റർ സുമി ജോസഫ് മുഖ്യപ്രഭാഷണം നടത്തി.കോളേജ് പ്രിൻസിപ്പൽ ഡോ. വേണു എസ്,​ ഡോ. ഷീല, ഡോ.പാർവതി, പ്രൊഫ. ഡോ. രാജീവ് എസ്.ആർ,​ രാജേഷ് പി.കെ. എന്നിവർ സംസാരിച്ചു.