അടിപ്പാതയിലെ അപകട സ്ഥലം എം.എൽ.എ സന്ദർശി​ച്ചു

ആലപ്പുഴ: മാളികമുക്ക് അടിപ്പാതയിലെ സർവീസ് റോഡുകളിൽ അപകടങ്ങൾ ആവർത്തിക്കുന്ന സാഹചര്യത്തിൽ എ.ഡി.തോമസ് എം.എൽ.എയുടെ നേതൃത്വത്തിൽ കളക്ടർക്ക്‌ റിപ്പോർട്ട് നൽകി.

സ്ഥലത്ത് ജനകീയ പ്രതിഷേധം ശക്തമായതിന്റെ പശ്ചാത്തലത്തിൽ എം.എൽ.എ സ്ഥലം സന്ദർശി​ച്ചു.

എം.എൽ.എയുടെ നിർദ്ദേശത്തെ തുടർന്ന് നഗരസഭാദ്ധ്യക്ഷ മോളി ജേക്കബ് , നഗരസഭ സെക്രട്ടറി എന്നിവർ സ്ഥലത്ത് എത്തുകയും കളക്ടർക്ക് റിപ്പോർട്ട് നൽകുകയുമായിരുന്നു. അടിയന്തര നടപടികൾ ഉണ്ടാകണമെന്ന് എം.എൽ.എ കളക്ടറോട് ആവശ്യപ്പെട്ടു. വാടക്കനാൽ വാർഡ് കൗൺസിലർ ആർ. അംജിത് കുമാറിന്റെ നേതൃത്വത്തിൽ നടന്ന റോഡ് ഉപരോധി​ച്ചവരെ പൊലീസ് അറസ്റ്റ് ചെയ്തു നീക്കി. പൊതുപ്രവർത്തകരായ പി.പി. രാഹുൽ, ജോസഫ് എസ്ലിൻ, ആൻഡ്രിയ സുരേഷ്, വേണുഗോപാൽ, ഷിബു താജു, സഫർ, ഷിബു എന്നിവർ പ്രതിഷേധത്തിന് നേതൃത്വം നൽകി.