സർക്കാർ ഓഫീസുകളും വിദ്യാഭ്യാസ സ്ഥാപനങ്ങളും പ്രവർത്തിക്കില്ല,​ ആലപ്പുഴയിൽ നാളെ പ്രാദേശിക അവധി

ആലപ്പുഴ : മണ്ണാറശാല ആയില്യവും പരുമല പള്ളി പെരുന്നാളും കണക്കിലെടുത്ത് ആലപ്പുഴ ജില്ലയിലെ സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും നാളെ (നവംബർ 2,​ തിങ്കൾ)​ ജില്ലാ കളക്ടർ അവധി പ്രഖ്യാപിച്ചു. മുൻ നിശ്ചയിച്ച പരീക്ഷകൾക്ക് മാറ്റമില്ല.

അതേസമയം കേരളത്തിലെ പ്രധാന നാഗരാജ ക്ഷേത്രങ്ങളിൽ ഒന്നായ മണ്ണാറശാലയിൽ ആയില്യം എഴുന്നള്ളത്ത് നാളെ ഉച്ചയ്ക്ക് ഒരുമണിക്ക് നടക്കും.ക്ഷേത്രത്തിലെ വലിയമ്മ സാവിത്രി അന്തർജനത്തിന്റെ നേതൃത്വത്തിലായിരിക്കും ചടങ്ങുകൾ. ആയില്യത്തിന് മുന്നോടിയായി ഇന്ന് നടന്ന പൂയംതൊഴൽ ചടങ്ങുകളിൽ ആയിരങ്ങൾ പങ്കെടുത്തു.