ബം​ഗ​ളൂ​രു​വി​ൽ നി​ന്ന് ബ​സി​ലെ​ത്തി​യ യു​വാ​വി​നെ ത​ട്ടി​ക്കൊ​ണ്ടു​പോ​യി 9 ല​ക്ഷം കൊ​ള്ള​യ​ടി​ച്ചു

ച​ക്ക​ര​ക്ക​ൽ: ബം​ഗ​ളൂ​രു​വി​ൽ നി​ന്ന് ബ​സി​ൽ വ​ന്നി​റ​ങ്ങി​യ യു​വാ​വി​നെ കാ​റി​ലെ​ത്തി​യ മു​ഖം​മൂ​ടി സം​ഘം ത​ട്ടി​ക്കൊ​ണ്ടു​പോ​യി മ​ർ​ദി​ച്ച് 9 ലക്ഷം രൂപ കൊ​ള്ള​യ‌​ടി​ച്ചു. ഏ​ച്ചൂ​ർ ക​മാ​ൽ​പീ​ടി​ക കു​യ്യ​ൽ അ​മ്പ​ല​റോ​ഡ് സ്വ​ദേ​ശി​യാ​യ പി.​പി. റ​ഫീ​ഖി​നെ​യാ​ണ് (44) ത​ട്ടി​ക്കൊ​ണ്ടു പോ​യി കൊ​ള്ള​യ​ടി​ച്ച​ ശേഷം ഉപേക്ഷിച്ചത്. സാ​ര​മാ​യി പ​രി​ക്കേ​റ്റ റ​ഫീ​ഖി​നെ ക​ണ്ണൂ​ർ എ .​കെ​ .ജി ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ഇ​ന്ന​ലെ പു​ല​ർ​ച്ചെ അ​ഞ്ച​ര​യോ​ടെ​യാ​യി​രു​ന്നു സം​ഭ​വം. ബാ​ങ്കി​ൽ പ​ണ​യം വ​ച്ച ഭാ​ര്യ​യു​ടെ സ്വ​ർ​ണം തി​രി​ച്ചെ​ടു​ക്കാ​നാ​യി പ​ല​രി​ൽ നി​ന്നും ക​ടം വാ​ങ്ങി​യ പ​ണ​മാ​ണ് കൊ​ള്ള​യ​ടി​ക്ക​പ്പെ​ട്ട​തെ​ന്ന് റഫീഖിന്റെ ബ​ന്ധു​ക്ക​ൾ പ​റ​ഞ്ഞു. പു​ല​ർ​ച്ചെ ബ​സി​റ​ങ്ങി നി​ൽ​ക്കു​മ്പോ​ൾ കാ​റി​ൽ വ​ന്നി​റ​ങ്ങി​യ മു​ഖം​മൂ​ടി സം​ഘം ബ​ല​മാ​യി കാ​റി​ൽ ക​യ​റ്റുകയായിരുന്നുവെന്നും ഇവർ പറഞ്ഞു. എ​തി​ർ​ത്ത​പ്പോ​ൾ കാ​ലു​ക​ൾ വെ​ട്ടി​ക്ക​ള​യു​മെ​ന്ന് ഭീ​ഷ​ണി​പ്പെ​ടു​ത്തിയ സംഘം ബ​ഹ​ളം വ​ച്ച​പ്പോ​ൾ വാ​യ പൊ​ത്തി​പ്പി​ടി​ച്ച് ത​ല​യ്ക്കും നെ​ഞ്ച​ത്തും മ​ർ​ദി​ക്കു​ക​യും സ്ക്രൂ​ഡ്രൈ​വ​ർ ഉ​പ​യോ​ഗി​ച്ച് കൈ​ക്ക് കു​ത്തി പ​രി​ക്കേ​ൽ​പ്പി​ക്കു​ക​യും ചെ​യ്തുവെന്നും റഫീഖ് വെളിപ്പെടുത്തി. തു​ട​ർ​ന്ന് പ​ണ​മ​ട​ങ്ങി​യ ബാ​ഗ് കൈ​ക്ക​ലാ​ക്കി​യ​ശേ​ഷം കാ​പ്പാ​ട് റോ​ഡ​രി​കി​ൽ ഉ​പേ​ക്ഷി​ച്ച് മു​ഖം​മൂ​ടി സം​ഘം ര​ക്ഷ​പ്പെട്ടുവെന്നാണ് റ​ഫീ​ഖ് പൊലീ​സി​ന് നൽകിയ മൊ​ഴി .

റോ​ഡ​രി​കി​ൽ അ​ർ​ദ്ധ അ​ബോ​ധാ​വ​സ്ഥ​യി​ൽ ക​ണ്ടെ​ത്തി​യ റ​ഫീ​ഖി​നെ പ​രി​ച​യ​ക്കാ​ര​നാ​യ ഓ​ട്ടോ ഡ്രൈ​വ​റാ​ണ് വീ​ട്ടി​ലെ​ത്തി​ച്ച​ത്. ഇവിടെ നിന്നും വീ​ട്ടു​കാ​ർ യുവാവിനെ ഉടൻ ആ​ശു​പ​ത്രി​യി​ലെ​ത്തി​ച്ചു.

സംഘത്തിൽ നാലുപേർ

ബം​ഗ​ളൂ​രു​വി​ൽ നി​ന്ന് പ​ണ​വു​മാ​യി വ​രു​ന്ന​തി​നെ​ക്കു​റി​ച്ച് കൃ​ത്യ​മാ​യി അ​റി​യാ​വു​ന്ന​വ​രാ​യി​രി​ക്കാം കൊ​ള്ള​യ്ക്കു പി​ന്നി​ലെ​ന്ന് സം​ശ​യി​ക്കു​ന്നു. ച​ക്ക​ര​ക്ക​ൽ പൊ ലീ​സ് കേ​സെ​ടു​ത്ത് അ​ന്വേ​ഷ​ണം ന​ട​ത്തി വ​രി​ക​യാ​ണ്. വാ​ഹ​ന​ത്തി​ൽ നാ​ലു​പേ​രാ​ണു​ണ്ടാ​യ​തെ​ന്ന് റ​ഫീ​ക്ക് പൊ​ലീ​സി​ന് മൊ​ഴി ന​ൽ​കി​യി​ട്ടു​ണ്ട്. പൊലീ​സ് പ്ര​ദേ​ശ​ത്തെ സി​ സി​ ടി​.വി ക്യാ​മ​റ ദൃ​ശ്യ​ങ്ങ​ൾ ഉ​ൾ​പ്പെ​ടെ​ ശേ​ഖ​രി​ച്ചിട്ടുണ്ട്.