ഹോട്ടൽ ആൻഡ് റസ്റ്റോറന്റ് അസോ.ജില്ലാ കൺവെൻഷൻ 29 ന്

തളിപ്പറമ്പ്: കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ കണ്ണൂർ ജില്ലാ കൺവെൻഷൻ 29 ന് വൈകുന്നേരം 3ന് തളിപ്പറമ്പ് ഡ്രീം പാലസ് ഓഡിറ്റോറിയത്തിലെ വിവേക് നഗറിൽ നടക്കും.കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ സംസ്ഥാന പ്രസിഡന്റ് ജി.ജയ്പാൽ ഉദ്ഘാടനം ചെയ്യും. ജില്ലാ പ്രസിഡന്റ് കെ.അച്യുതൻ അദ്ധ്യക്ഷത വഹിക്കും. സംസ്ഥാന ജന.സെക്രട്ടറി കെ.പി.ബാലകൃഷ്ണ പൊതുവാൾ മുഖ്യ പ്രഭാഷണം നടത്തും. തളിപ്പറമ്പ് നഗരസഭ ചെയർപേഴ്സൺ മുർഷിദ കൊങ്ങായി മുഖ്യാതിഥിയായി പങ്കെടുക്കും. കൺവെൻഷനോടനുബന്ധിച്ച് 29ന് ഉച്ചയ്ക്ക് 2 മണിക്ക് ശേഷം തളിപ്പറമ്പിൽ അംഗങ്ങളുടെ ഹോട്ടലുകൾ തുറന്ന് പ്രവർത്തിക്കില്ലെന്നും അസോസിയേഷൻ ഭാരവാഹികളായ എം.ലക്ഷ്മണനൻ, എ.വി.സുരേഷ് ബാബു എം.വി ശശി, സി പ്രകാശൻ എന്നിവർ വാർത്താസമ്മേളനത്തിൽ പറഞ്ഞു.