ബാലസഭ കലോത്സവം ആദിതാളം 2025

കണ്ണൂർ: കുടുംബശ്രീ ജില്ലാ മിഷന്റെയും ശ്രീകണ്ഠാപുരം നഗരസഭയുടെയും നേതൃത്വത്തിൽ ബാലസഭ കുട്ടികളുടെ കലോത്സവം ആദിതാളം 2025 ശ്രീകണ്ഠാപുരം മേരിഗിരി ഇംഗ്ലീഷ് മീഡിയം സ്കൂളിൽ സംഘടിപ്പിച്ചു. തളിപ്പറമ്പ്, ഇരിട്ടി, പേരാവൂർ, പയ്യന്നൂർ, കൂത്തുപറമ്പ്, ഇരിക്കൂർ ബ്ലോക്കുകളിലെ 29 സി.ഡി.എസുകളിൽ നിന്നായ് 300 കുട്ടികൾ പങ്കെടുത്തു. സജീവ് ജോസഫ് എം.എൽ.എ ഉദ്ഘാടനം ചെയ്തു. കുടുംബശ്രീ ജില്ലാ മിഷൻ കോർഡിനേറ്റർ എം.വി ജയൻ, നഗരസഭ ക്ഷേമകാര്യ ചെയർമാൻ പി.പി ചന്ദ്രാംഗദൻ, വികസന കാര്യ ചെയർപേഴ്സൺ ജോസഫിന തുടങ്ങിയവർ പങ്കെടുത്തു. 62 പോയിന്റുകൾ നേടി ഉളിക്കൽ സി.ഡി.എസ് കിരീടം ചൂടി. 59 പോയിന്റുകൾ നേടി ആലക്കോട് സി.ഡി.എസ് രണ്ടും 32 പോയിന്റുകൾ നേടി ഉദയഗിരി സി.ഡി.എസ് മൂന്നും സ്ഥാനത്തെത്തി. നഗരസഭ ചെയർപേഴ്സൺ ജോസഫിന വിജയികൾക്ക് ട്രോഫികൾ വിതരണം ചെയ്തു.