സമരപ്പന്തൽ അഴിച്ചുമാറ്റിയത് അപമാനം: കെ. സുധാകരൻ

കണ്ണൂർ: സെക്രട്ടറിയേറ്റിനു മുന്നിൽ സമരം നടത്തുന്ന ആശാവർക്കർമാർ കെട്ടിയ സമരപ്പന്തൽ പൊളിച്ചുമാറ്റിയത് തൊഴിലാളിവർഗ്ഗ പാർട്ടിക്ക് അപമാനമാണെന്ന് കെ.പി.സി.സി പ്രസിഡന്റ് കെ. സുധാകരൻ എം.പി പറഞ്ഞു. ആശാവർക്കർമാർക്ക് ഐക്യദാർഢ്യം പ്രഖ്യാപിച്ചും സമരക്കാരെ ഭീഷണിപ്പെടുത്തുന്ന സർക്കാരിന്റെയും സി.പി.എമ്മിന്റെയും നിലപാടിൽ പ്രതിഷേധിച്ചും സംസ്ഥാന വ്യാപകമായി നടത്തുന്ന പ്രക്ഷോഭ സമരത്തിന്റെ ഭാഗമായി കണ്ണൂർ കളക്ടറേറ്റിന് മുന്നിൽ നടത്തിയ സമരം ഉദ്ഘാടനം ചെയ്യുകയായിരുന്നു അദ്ദേഹം.

ആശാവർക്കർമാർ ഉന്നയിച്ച ന്യായമായ ആവശ്യങ്ങൾ അനുവദിച്ച് സമരം അവസാനിപ്പിക്കാൻ സർക്കാർ തയാറായില്ലെങ്കിൽ കോൺഗ്രസും യു.ഡി.എഫും ശക്തമായ സമരം നടത്തും. കേരളത്തിലെ സർക്കാർ സാധാരണക്കാർക്ക് ഒപ്പമല്ല, സമ്പന്നർമാർക്ക് ഒപ്പമാണ്. ഈ കാടത്തം ഉൾകൊള്ളാൻ സാധിക്കില്ല. പണിയെടുക്കാത്ത ആളുകൾക്ക് ലക്ഷക്കണക്കിന് രൂപ ശമ്പളവും പണിയെടുക്കുന്നവർക്ക് നാമമാത്ര ശമ്പളവും എന്നതാണ് ഇപ്പോഴത്തെ സർക്കാർ നയമെന്നും സുധാകരൻ പറഞ്ഞു.

​ഡി.​സി.​സി​ ​പ്ര​സി​ഡ​ന്റ് ​അ​ഡ്വ.​ ​മാ​ർ​ട്ടി​ൻ​ ​ജോ​ർ​ജ്ജ് ​അ​ദ്ധ്യ​ക്ഷ​ത​ ​വ​ഹി​ച്ചു.​ ​മു​ൻ​ ​മേ​യ​ർ​ ​അ​ഡ്വ.​ ​ടി.​ഒ​ ​'​മോ​ഹ​ന​ൻ,​ ​കെ.​പി.​സി.​സി​ ​ജ​ന​റ​ൽ​ ​സെ​ക്ര​ട്ട​റി​ ​അ​ഡ്വ.​ ​സോ​ണി​ ​സെ​ബാ​സ്റ്റ്യ​ൻ,​ ​മ​നോ​ജ് ​കൂ​വേ​രി​ ​എ​ന്നി​വ​ർ​ ​പ്ര​സം​ഗി​ച്ചു.