സ്വാമി ശാശ്വതികാനന്ദ അനുസ്മരണം

കൊല്ലം: ശിവഗിരി മഠം മുൻ പ്രസിഡന്റ് മതാതീത ആത്മീയ പ്രചാരകനുമായിരുന്ന സ്വാമി ശാശ്വതികാനന്ദയുടെ 24-ാമത് സമാധി ദിനമായ ജൂലായ് ഒന്നിന് ഗുരുധർമ്മ പ്രചാരണ സംഘം കേന്ദ്രകമ്മിറ്റിയുടെ ആഭിമുഖ്യത്തിൽ സംസ്ഥാനതലത്തിൽ മതാതീത ആത്മീയ ദിനമായി ആചരിക്കും. സംസ്ഥാനത്തെ 25 കേന്ദ്രങ്ങളിൽ നിന്ന് മതാതീത ആത്മീയ ജാഥ ആരംഭിച്ച് രാവിലെ 10ന് ചീരങ്കാവിൽ സംഗമിക്കും. തുടർന്ന് ഒരൊറ്റ ജാഥയായി ശിവഗിരിയിലേക്ക് പുറപ്പെടും. സ്വാമിയുടെ മഹാസമാധിയിൽ പുഷ്പാർച്ചനയും പ്രാർത്ഥനയും നടത്തും. യോഗം കേന്ദ്ര സമിതി ചെയർമാൻ എഴുകോൺ രാജ്മോഹൻ ഉദ്ഘാടനം ചെയ്തു. ജനറൽ സെക്രട്ടറി ബി.സ്വാമിനാഥൻ അദ്ധ്യക്ഷനായി.