ആരോഗ്യ ബോധവത്കരണ ക്ലാസ്സ്

പന്തളം : മങ്ങാരം ഗ്രാമീണ വായനശാലയുടെ ആഭിമുഖ്യത്തിൽ നടന്ന ആരോഗ്യ ബോധവത്കരണ ക്ലാസ്സ് പന്തളം നഗരസഭ ക്ഷേമകാര്യ സ്ഥിരം സമിതി അദ്ധ്യക്ഷൻ ബി.പ്രദീപ് ഉദ്ഘാടനം ചെയ്തു. വായനശാല പ്രസിഡന്റ് ഡോ.ടി.വി.മുരളീധരൻപിള്ള അദ്ധ്യക്ഷനായിരുന്നു. ''വയോജനങ്ങളുടെ ആരോഗ്യ പ്രശ്‌നങ്ങളും പ്രതിവിധികളും'' എന്ന വിഷയത്തിൽ ആരോഗ്യ വകുപ്പ് മുൻ ഡെപ്യൂട്ടി ഡയറക്ടർ ഡോ.എൻ.ശശിധരൻ ക്ലാസ്സ് എടുത്തു. പന്തളം നഗരസഭ കൗൺസിലർ കെ.മോഹൻദാസ്, വായനശാല സെക്രട്ടറി കെ.ഡി.ശശിധരൻ, വൈസ് പ്രസിഡന്റ് കെ.എച്ച്.ഷിജു എന്നിവർ സംസാരിച്ചു.