വെള്ളാങ്കല്ലൂർ ബഡ്ജറ്റ്

വെള്ളാങ്ങല്ലൂർ: ഉൽപാദന, സേവന, പശ്ചാത്തല മേഖലകളിൽ മികച്ച നേട്ടം ലക്ഷ്യമിടുന്ന വെള്ളാങ്കല്ലൂർ പഞ്ചായത്തിന്റെ 2025-26 സാമ്പത്തിക വർഷത്തെ ബഡ്ജറ്റ് അവതരിപ്പിച്ചു. 41,77, 38, 983 രൂപ വരവും 40, 47,72, 778 രൂപ ചെലവും 1, 29, 66, 205 രൂപ മിച്ചവും പ്രതീക്ഷിക്കുന്നതാണ് ബഡ്ജറ്റ്. നിത്യനിധാന ചെലവുകൾ കഴിച്ച് 21 വാർഡുകളുള്ള പഞ്ചായത്തിലെ സമഗ്ര വികസനം ലക്ഷ്യമിട്ടുകൊണ്ട് ഉൽപാദന സേവന പശ്ചാത്തല മേഖലകളിൽ മികച്ച നേട്ടം കൈവരിക്കാനുള്ള ബഡ്ജറ്റാണെന്ന് പഞ്ചായത്ത് പ്രസിഡന്റ് നിഷ ഷാജി പറഞ്ഞു. നിഷ ഷാജി അദ്ധ്യക്ഷത വഹിച്ചു. വൈസ് പ്രസിഡന്റ് ഫസ്‌ന റിജാസ് അവതരണം നടത്തി. സെക്രട്ടറി കെ. ഋഷി പങ്കെടുത്തു.