ജി.എസ്.ടി ജോയിന്റ് കമ്മിഷണറായി നിയമിച്ചു

തൃശൂർ: സംസ്ഥാന ചരക്ക് സേവന നികുതി (എസ്.ജി.എസ്.ടി) വകുപ്പിൽ ഇരിങ്ങാലക്കുട ഓഡിറ്റ് ഡിവിഷൻ ഡെപ്യൂട്ടി കമ്മിഷണറായി സേവനം അനുഷ്ഠിച്ചു വന്നിരുന്ന പി.എസ്. ശിവരാജനെ തൃശൂർ ജോയിന്റ് കമ്മിഷണറായി (അപ്പീൽസ്) സ്ഥാനക്കയറ്റത്തോടെ നിയമിച്ചു. ഒക്ടോബർ ഒന്നിനാണ് ഇത് സംബന്ധിച്ച് നികുതി വകുപ്പ് ഉത്തരവിറക്കിയത്. ഇൻസ്റ്റിറ്റിയൂട്ട് ഒഫ് ചാർട്ടേഡ് അക്കൗണ്ടന്റ്‌സ് ഒഫ് ഇന്ത്യയുടെ ഫെല്ലോ അംഗമായ അദ്ദേഹം നികുതി വകുപ്പിൽ വിവിധ ഉയർന്ന ഭരണതല പദവികൾ വഹിച്ചിട്ടുണ്ട്. ഇരിങ്ങാലക്കുട പാണ്ടാത്ത്പറമ്പിൽ പി.എൻ. സുന്ദരം - കൃഷ്ണമ്മ ദമ്പതികളുടെ മകനാണ്. ഡോ. ദിവ്യയാണ് ഭാര്യ.