ബൈഡന്റെ ആരോഗ്യനില മോശമെന്ന് മകൻ

വാഷിംഗ്ടൺ: ക്യാൻസർ ബാധിതനായ യു.എസ് മുൻ പ്രസിഡന്റ് ജോ ബൈഡന്റെ (83) ആരോഗ്യസ്ഥിതി മോശമെന്ന് മകൻ ഹണ്ടർ ബൈഡൻ. പ്രോസ്‌റ്റേറ്റ് ക്യാൻസർ അസ്ഥികൾക്ക് പുറമേ ശരീരത്തിന്റെ മറ്റ് ഭാഗങ്ങളിലേക്കും പടർന്നു. അവസ്ഥ വളരെ വേദനാജനകമാണെന്നും ഹണ്ടർ പറഞ്ഞു. അതേസമയം,​ പൊതുവേദികളിൽ ഇപ്പോഴും അദ്ദേഹം സജീവമാണ്. 2025 മേയിലാണ് പ്രോസ്‌റ്റേറ്റ് ക്യാൻസർ സ്ഥിരീകരിച്ചതെന്ന് ബൈഡൻ അറിയിച്ചത്.

1972 മുതൽ ആറ് തവണ ഡെലവെയറിൽ നിന്ന് സെന​റ്ററായ ബൈഡൻ ബറാക് ഒബാമയുടെ കാലത്ത് യു.എസ് വൈസ് പ്രസിഡന്റായിരുന്നു. 2021ൽ പ്രസിഡന്റായി. 2025 ജനുവരിയിൽ ട്രംപ് വീണ്ടും അധികാരമേൽക്കും വരെ യു.എസിന്റെ ചരിത്രത്തിലെ പ്രായം കൂടിയ പ്രസിഡന്റെന്ന റെക്കാഡ് ബൈഡനായിരുന്നു.