ഇന്റഗ്രേറ്റഡ് എ.ബി.എസുമായി ഹീറോ ഗ്ലാമർ എക്‌സ്

കൊച്ചി: ഇന്ത്യയിലെ ഏറ്റവും സാങ്കേതികത്തികവുള്ള 125 സിസി മോട്ടോർസൈക്കിളായ 'ഗ്ലാമർ എക്‌സ്' ഇന്റഗ്രേറ്റഡ്-എ.ബി.എസ് സഹിതം ഹീറോ മോട്ടോകോർപ്പ് വിപണിയിൽ അവതരിപ്പിച്ചു. സിംഗിൾ-ചാനൽ എ.ബി.എസും ഇന്റഗ്രേറ്റഡ് ബ്രേക്കിംഗ് സിസ്റ്റവും സംയോജിപ്പിച്ച് ഈ വിഭാഗത്തിൽ പുതിയൊരു മാനദണ്ഡം സൃഷ്ടിക്കുന്ന ഈ വാഹനത്തിന് സ്ഥിരത വർദ്ധിപ്പിക്കാനും ബ്രേക്കിംഗ് ദൂരം കുറയ്ക്കാനും സഹായിക്കുന്നു. വിവിധ റോഡ് സാഹചര്യങ്ങളിൽ സുരക്ഷിതമായ ബ്രേക്കിംഗ് അനുഭവം നൽകുന്നതിനൊപ്പം പാനിക് ബ്രേക്ക് അലേർട്ട്, ഹാസാർഡ് ലാമ്പുകൾ എന്നിവയും ഇതിലുണ്ട്. 'ഒ' സിഗ്നേച്ചറുള്ള ഫുൾ എൽ.ഇ.ഡി ലൈറ്റിംഗ് സംവിധാനവും സ്പോർട്ടി ഗ്രാഫിക്സും ഇതിന്റെ രൂപഭംഗി കൂട്ടുന്നു.

ആകർഷണങ്ങൾ

ആംബിയന്റ് ലൈറ്റിംഗും 60-ലധികം ഫീച്ചറുകളുമുള്ള 10.7 സെ.മീ അഡാപ്റ്റീവ് മൾട്ടി-കളർ കൺസോൾ, ബ്ലൂടൂത്ത് കണക്റ്റിവിറ്റി, ടേൺ-ബൈ-ടേൺ നാവിഗേഷൻ, ഗിയർ ഷിഫ്റ്റ് അഡ്വൈസറി എന്നിവ റൈഡർമാർക്ക് മികച്ച അനുഭവവും കണക്റ്റിവിറ്റിയും നൽകുന്നു. സുഗമമായ പവർ ഡെലിവറിയും കുറഞ്ഞ NVH നിലവാരവും ഉറപ്പാക്കുന്ന എൻജിൻ 8250 rpm-ൽ 11.4 BHP കരുത്ത് നൽകുന്നു. കൂടാതെ ഇക്കോ, റോഡ്, പവർ എന്നീ മൂന്ന് റൈഡ് മോഡുകളും ക്രൂയിസ് കൺട്രോൾ സംവിധാനവും ഇതിലുണ്ട്. വീതിയേറിയ ഹാൻഡിൽബാർ, നീളമേറിയ സീറ്റ്, സി-ടൈപ്പ് യുഎസ്ബി ചാർജിംഗ് പോർട്ട് എന്നിവ യാത്രകൾ കൂടുതൽ സുഖകരമാക്കുന്നു. ബ്ലാക്ക് പേൾ റെഡ്, ബ്ലാക്ക് ടീൽ ബ്ലൂ എന്നീ നിറങ്ങൾക്ക് പുറമേ ഗൺ മെറ്റൽ ഗ്രേ, മാറ്റ് ആക്‌സിസ് ഗ്രേ എന്നീ പുതിയ നിറങ്ങളിലും ഈ വാഹനം ലഭ്യമാണ്.

പുതിയ മോഡലിന്റെ അവതരണത്തിലൂടെ 125cc വിഭാഗത്തിലെ സുരക്ഷാ മാനദണ്ഡങ്ങൾ പുനർനിർവചിക്കുകയാണ്

അശുതോഷ് വർമ്മ

ചീഫ് ബിസിനസ് ഓഫീസർ

ഹീറോ മോട്ടോകോർപ്പ് ഇന്ത്യ ബിസിനസ് യൂണിറ്റ്

എക്സ് ഷോറൂം വില

1,01,000 രൂപയാണ് .