കുതിച്ചുയർന്ന് സ്വർണവില; ഒറ്റയടിക്ക് കൂടിയത് 2449 രൂപ, ഇന്നത്തെ നിരക്കറിയാം

തിരുവനന്തപുരം: തുടർച്ചയായ ഇടിവിന് പിന്നാലെ ഇന്ന് സ്വർണവിലയിൽ വൻ വർദ്ധന. ഒറ്റയടിക്ക് പവന് 2449 രൂപയാണ് കൂടിയത്. ഇതോടെ ഒരു പവന്റെ ഇന്നത്തെ വിപണിവില 1,13,920 രൂപയാണ്. ഗ്രാമിന് 305 രൂപ വർദ്ധിച്ച് 14,240 രൂപയായി. ഇന്നലെ ഒരു പവന് 2240 രൂപ കുറഞ്ഞ് 1,11,480 രൂപയായും ഗ്രാമിന് 280 രൂപ കുറഞ്ഞ് 13,935 രൂപയായുമായിരുന്നു. ഒരാഴ്ചയ്ക്ക് മുൻപ് പവന് 1,20,240 രൂപയായിരുന്നു കൊടുക്കേണ്ടിവന്നത്. തുടർന്ന് സ്വർണവില ഇടിഞ്ഞു. എന്നാൽ ഇന്ന് വീണ്ടും വർദ്ധിച്ചത് സ്വർണം വാങ്ങാൻ തീരുമാനിച്ചവരിൽ ആശങ്കയ്ക്ക് കാരണമായി.

വെള്ളി വില

സംസ്ഥാനത്ത് ഇന്ന് വെള്ളിവിലയിൽ വർദ്ധനവ് രേഖപ്പെടുത്തിയിട്ടുണ്ട്. ഒരു ഗ്രാമിന് അഞ്ച് രൂപ കൂടി 255 രൂപയായി. 10 ഗ്രാമിന് 2,550 രൂപയും 100 ഗ്രാമിന് 25,500 രൂപയുമാണ് വിപണിവില. ഒരു കിലോഗ്രാം വെള്ളി വാങ്ങാൻ ഇന്ന് 2,55,000 രൂപ നൽകണം.