ബീഹാ‌റിലെ ആശുപത്രിയിൽ വൻ തീപിടിത്തം; 10 രോഗികൾ വെന്തുമരിച്ചു

അപകടം നടക്കുന്ന സമയത്ത് ഐസിയുവിൽ 13 രോഗികളും സിസിയുവിൽ ഏതാനും രോഗികളും  ഉണ്ടായിരുന്നതായി  മുസാഫർപുർ  ജില്ലാ  മജിസ്ട്രേറ്റ് സുബ്രത് കുമാ‌ർ സെൻ സ്ഥിരീകരിച്ചു. 

പുലർച്ചെ മൂന്നുമണിയോടെയാണ് തീപിടിത്തമുണ്ടായത്. തീയണയ്ക്കാനുള്ള ശ്രമം തുടരുകയാണ്.

അപകടത്തിൽ 20ഓളം പേർക്ക് പരിക്കേറ്റതായും റിപ്പോർട്ടുണ്ട്.  രക്ഷപ്പെടുത്തിയ രോഗികളിൽ പലരുടെയും നില  ഗുരുതരമാണ്. 

ഷോർട്ട് സർക്യൂട്ട് മൂലമാണ് തീപിടിത്തമുണ്ടായതെന്നാണ് പ്രാഥമിക റിപ്പോർട്ട്. ഇതിൽ ഔദ്യോഗിക സ്ഥിരീകരണം വന്നിട്ടില്ല.