വഖഫ് ഭേദഗതി ബിൽ ജെ.പി.സി റിപ്പോർട്ട് ഇന്ന് പാർലമെന്റിൽ

 നയപ്രഖ്യാപന പ്രസംഗത്തിൽ ചർച്ചയ്‌ക്ക് തുടക്കമിടും

ന്യൂഡൽഹി : വഖഫ് ഭേദഗതി ബില്ലുമായി ബന്ധപ്പെട്ട സം​യു​ക്ത​ ​പാ​ർ​ല​മെ​ന്റ​റി​ ​സ​മി​തിയുടെ​ (ജെ.പി.സി)​ റിപ്പോർട്ട് ഇന്ന് പാർലമെന്റിന്റെ മേശപ്പുറത്തുവയ്‌ക്കും. ജെ.​പി.​സി​ ​അ​ദ്ധ്യ​ക്ഷൻ​ ​ജ​ഗ​ദം​ബി​ക​ ​പാ​ലും ബി​.ജെ.പി​ എം.പി സഞ്ജയ് ജയ്സ്വാളും ചേർന്ന് റിപ്പോർട്ടിന്റെ ഹിന്ദി - ഇംഗ്ലീഷ് പതിപ്പുകളാണ് വയ്‌ക്കുന്നത്. ജനുവരി 30ന് ലോക്‌സഭാ സ്‌പീക്കർ ഓം ബിർളയ്‌ക്ക് റിപ്പോ‌ർട്ട് കൈമാറിയിരുന്നു. പ്ര​തി​പ​ക്ഷ​ത്തി​ന്റെ​ ​ഒ​രു​ ​നി​ർ​ദ്ദേ​ശം​ പോ​ലും സ്വീകരിക്കാ​തെയാണ് ​വ​ഖ​ഫ് ​ഭേ​ദ​ഗ​തി​ ​ബി​ല്ലി​ന് ജെ.​പി.​സി ​അം​ഗീ​കാ​രം​ ​ന​ൽ​കി​യ​ത്. ഭ​ര​ണ​പ​ക്ഷം​ ​മു​ന്നോ​ട്ടു​വ​ച്ച​ 14 ഭേദഗതി​ക​ൾ​ ​അംഗീകരിച്ചു. ക്രിയാത്മകമായ ചർച്ച നടന്നില്ലെന്ന ആരോപണവുമായി പ്രതിപക്ഷം രംഗത്തുണ്ട്.

രാഹുൽ തുടക്കമിടും

രാഷ്ട്രപതിയുടെ നയപ്രഖ്യാപന പ്രസംഗത്തിന്മേൽ ചർച്ചയ്‌ക്ക് ഇന്ന് തുടക്കമിടും. ലോക്‌സഭയിൽ പ്രതിപക്ഷ നേതാവ് രാഹുൽ ഗാന്ധി ആദ്യം സംസാരിക്കും. പ്രധാനമന്ത്രി നരേന്ദ്രമോദി നാളെ മറുപടി നൽകും. രാഹുലിൽ നിന്നടക്കം പ്രതിപക്ഷ ബെഞ്ചുകളിൽ നിന്നുണ്ടാകുന്ന പരാമർശങ്ങളിൽ സഭ പ്രക്ഷുബ്ദ്ധമായേക്കും. കുംഭമേളയിൽ വി.ഐ.പികൾക്ക് മാത്രമാണ് സുരക്ഷയെന്ന് ആരോപണമുന്നിക്കാൻ പ്രതിപക്ഷം ശ്രമിക്കും. നയപ്രഖ്യാപനപ്രസംഗത്തിന് പിന്നാലെ രാഷ്ട്രപതി ദ്രൗപദി മുർമുവിനെ കോൺഗ്രസ് നേതാവ് സോണിയാ ഗാന്ധി അപമാനിച്ചുവെന്ന് ചൂണ്ടിക്കാട്ടി ഭരണപക്ഷവും പോരിനിറങ്ങിയേക്കും. പ്രസംഗം വായിച്ചു തീർന്നപ്പോഴേക്കും രാഷ്ട്രപതി തളർന്നുവെന്നായിരുന്നു സോണിയയുടെ പരാമർശം.