മൂന്നടിച്ച് നാലിലും ജയം

സന്തോഷ് ട്രോഫിയിൽ കേരളം 3-0ത്തിന് ഡൽഹിയെ തോൽപ്പിച്ചു

നാലാം ജയവുമായി കേരളം ഗ്രൂപ്പ് ബിയിൽ ഒന്നാം സ്ഥാനത്ത് തുടരുന്നു

ഹൈദരാബാദ് : സന്തോഷ്ട്രോഫി ഫുട്ബാളിന്റെ ഫൈനൽ റൗണ്ടിലെ നാലാം മത്സരത്തിലും വിജയം നേടി കേരളം. ഇന്നലെ മറുപടിയില്ലാത്ത മൂന്നുഗോളുകൾക്ക് ഡൽഹിയെയാണ് തോൽപ്പിച്ചത്. ആദ്യ പകുതിയിൽ ന​സീ​ബ് ​റ​ഹ്മാ​ൻ,ജോസഫ് ജസ്റ്റിൻ,ഷിജിൻ എന്നിവർ നേടിയ ഗോളുകൾക്കാണ് കേരളത്തിന്റെ ജയം. മൂന്നാം ജയത്തോടെതന്നെ കേരളം ക്വാർട്ടർ ഫൈനൽ ഉറപ്പിച്ചിരുന്നു. ഗ്രൂപ്പിലെ അവസാന മത്സരത്തിൽ ചൊവ്വാഴ്ച കേരളം തമിഴ്നാടിനെ നേരിടും.

ആ​ദ്യ​ ​മ​ത്സ​ര​ത്തി​ൽ​ ​ഗോ​വ​യെ​ 4​-3​നും​ ​ര​ണ്ടാം​ ​മ​ത്സ​ര​ത്തി​ൽ​ ​മേ​ഘാ​ല​യ​യെ​ 1​-0​ത്തി​നും​ ​തോ​ൽ​പ്പി​ച്ചി​രു​ന്ന​ ​ജി.​സ​ഞ്ജു​ ​ന​യി​ക്കു​ന്ന​ ​കേ​ര​ളം​ ​മൂന്നാം മത്സരത്തിൽ ​ ​ഒ​ഡി​ഷ​യ്ക്ക് ​എ​തി​രെ​ 2-0ത്തിനാണ് വിജയം കണ്ടത്. ഒഡിഷയ്ക്ക് എതിരെയും ​ ​ന​സീ​ബ് ​റ​ഹ്മാ​ൻ ​സ്കോ​ർ​ ​ചെ​യ്‌​തിരുന്നു.​ ​ടൂ​ർ​ണ​മെ​ന്റി​ലെ​ ​ന​സീ​ബി​ന്റെ​ മൂന്നാം​ ​ഗോ​ളായിരുന്നു ​ഇ​ന്ന​ലത്തേ​ത്.
ആ​ദ്യ​ ​ര​ണ്ട് ​മ​ത്സ​ര​ങ്ങ​ൾ​ ​പി​ന്നി​ട്ട​പ്പോ​ൾ​ ​പോ​യി​ന്റ് ​പ​ട്ടി​ക​യി​ൽ​ ​ഒ​ന്നു​മ​തു​ണ്ടാ​യി​രു​ന്ന​ ​ഡ​ൽ​ഹി​ ​ ​ ​മൂ​ന്നാം​ ​മ​ത്സ​ര​ത്തി​ൽ​ ​മേ​ഘാ​ല​യ​യോ​ട് ​മ​റു​പ​ടി​യി​ല്ലാ​ത്ത​ ​ര​ണ്ടു​ഗോ​ളു​ക​ൾ​ക്ക് ​തോ​റ്റ​തോ​ടെ​യാ​ണ് ​കേ​ര​ളം​ ​ഗ്രൂ​പ്പ് ​ബി​യി​ൽ​ ​ഒ​ന്നാ​മ​തേ​ക്കു​യ​ർ​ന്ന​ത്.​ ​നാലുമത്സരങ്ങൾ പൂർത്തിയായപ്പോൾ കേ​ര​ള​ത്തി​ന് ​12 പോ​യി​ന്റും​ ​ഡ​ൽ​ഹി​ക്ക് ​ആ​റു​പോ​യി​ന്റു​മാ​ണു​ള്ള​ത്.