ബലൂൺ പൊട്ടിത്തെറിച്ച് ഉപപ്രധാനമന്ത്രിക്ക് പരിക്ക്: നേപ്പാളിൽ ഇന്ത്യക്കാരൻ അറസ്‌റ്റിൽ

കാഠ്മണ്ഡു: നേപ്പാളിൽ ഹൈഡ്രജൻ ബലൂൺ പൊട്ടിത്തെറിച്ച് ഉപപ്രധാനമന്ത്രി ബിഷ്‌ണു പൗഡലിന് പൊള്ളലേ​റ്റ സംഭവത്തിൽ ഇന്ത്യക്കാരൻ അറസ്​റ്റിൽ. കമലേഷ് കുമാർ എന്നയാളാണ് പിടിയിലായത്. ബലൂണിൽ ഹൈഡ്രജൻ വാതകം നിറച്ചത് ഇയാളാണ്.

പൊഖാറയിൽ ശനിയാഴ്ച ഒരു ടൂറിസം പരിപാടിയുടെ ഉദ്ഘാടനത്തിനിടെയായിരുന്നു അപകടം. ഇലക്ട്രിക് സ്വിച്ചിലൂടെ മെഴുകുതിരികൾ കത്തിച്ചതിന് പിന്നാലെയാണ് ബലൂണുകൾ പൊട്ടിത്തെറിച്ചത്.

മെഴുകുതിരിയിൽ നിന്ന് ബലൂണുകളിലേക്ക് തീപടരുകയായിരുന്നു. പൗഡലിന് പുറമേ പൊഖാറ മേയർ ധൻരാജ് ആചാര്യയ്ക്കും പരുക്കേ​റ്റിരുന്നു. ഇരുവരുടെയും മുഖത്തും കൈയ്യിലും പൊള്ളലേറ്റെങ്കിലും ഗുരുതരമല്ല.