ഇന്ത്യയ്ക്ക് പുട്ടിന്റെ ഓഫർ: എസ്.യു - 57 യുദ്ധവിമാനങ്ങൾ

മോസ്കോ: അത്യാധുനിക സുഖോയ് എസ്.യു - 57 യുദ്ധവിമാനങ്ങൾ ഇന്ത്യയുമായി ചേർന്ന് സംയുക്തമായി നിർമ്മിക്കാൻ തയ്യാറാണെന്ന് റഷ്യൻ പ്രസിഡന്റ് വ്ലാഡിമിർ പുട്ടിൻ. അഞ്ചാം തലമുറയിൽപ്പെട്ട എസ്.യു - 57ന്റെ സാങ്കേതികവിദ്യ പൂർണമായും കൈമാറാനും നിർമ്മാണ കേന്ദ്രങ്ങൾ സ്ഥാപിക്കാനും സന്നദ്ധമാണെന്ന് പുട്ടിൻ വ്യക്തമാക്കി. 30 എസ്.യു - 57 ഇ മോഡൽ യുദ്ധവിമാനങ്ങൾ നൽകാനും തയ്യാറാണ്.

നിലവിൽ ഇന്ത്യൻ വ്യോമസേനയ്ക്ക് അഞ്ചാം തലമുറ യുദ്ധവിമാനം ഇല്ല. ചൈനയുടെ അഞ്ചാം തലമുറ യുദ്ധവിമാനങ്ങൾ പാകിസ്ഥാന് ലഭിക്കുമെന്ന് അഭ്യൂഹങ്ങളമുണ്ട്. അഞ്ചാം തലമുറ യുദ്ധവിമാനം തദ്ദേശീയമായി നിർമ്മിക്കാനുള്ള ഇന്ത്യയുടെ പദ്ധതി 2030 കഴിഞ്ഞേ സർവീസിൽ പ്രവേശിച്ചേക്കൂ.

# മോദിയുടെ നേതൃത്വത്തിൽ

ഇന്ത്യ മുന്നേറുന്നു

 പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ ഇന്ത്യ ദേശ താത്പര്യങ്ങൾ മുൻനിറുത്തി മുന്നേറുകയാണെന്ന് പുട്ടിൻ

 പാശ്ചാത്യ രാജ്യങ്ങളുമായുള്ള ഇന്ത്യയുടെ ബന്ധം റഷ്യയുമായുള്ള ചരിത്ര പങ്കാളിത്തത്തെ ബാധിക്കില്ല. ഇന്ത്യ വിശ്വസനീയ പങ്കാളി

 മോദി സർക്കാരിന്റെ കഠിനാദ്ധ്വാനത്തിന്റെ ഫലമായി ഇന്ത്യ ലോകത്തിലെ ഏറ്റവും വേഗത്തിൽ വളരുന്ന സമ്പദ്‌വ്യസ്ഥകളിൽ ഒന്നായി മാറി

 റഷ്യൻ ബന്ധത്തിന്റെ പേരിൽ ഇന്ത്യയെ സമ്മർദ്ദത്തിലാക്കാനുള്ള യു.എസ് ശ്രമം വിലപ്പോവില്ല

 ഇന്ത്യ-ചൈനവിഷയത്തിൽ ഇടപെടില്ല