ബോളിവുഡ് സിനിമാതാരമായ സണ്ണി ലിയോണിനൊപ്പമുള്ള ചിത്രം തന്റെ സോഷ്യൽ മീഡിയാ ഹാൻഡിലുകളിലൂടെ പങ്കുവച്ച് നടനും തിരക്കഥാകൃത്തുമായ ചെമ്പൻ വിനോദ് ജോസ്. 'സണ്ണി ലിയോണിനൊപ്പം(ഒരു നല്ല വ്യക്തി)'-എന്ന അടിക്കുറിപ്പോടെയാണ് നടൻ തന്റെ ആരാധകർക്കായി ഈ ചിത്രം പങ്കുവച്ചത്. ശ്രീജിത്ത് വിജയ് സംവിധാനം ചെയ്യുന്ന ഷീറോ എന്ന സിനിമയുടെ ലൊക്കേഷനിൽ വച്ചാണ് ചിത്രം പകർത്തിയിരിക്കുന്നത്.
ചെമ്പൻ വിനോദിന്റെ തോളിൽ ചാരി നിന്നുകൊണ്ട് ചിരിച്ചു നിൽക്കുന്ന സണ്ണി ലിയോണിനെയാണ് ചിത്രത്തിൽ കാണുന്നത്. നടൻ ചിത്രം പോസ്റ്റ് ചെയ്തതിനു പിന്നാലെ നിരവധി പേരാണ് പ്രതികരണവുമായി എത്തിയത്. ഇക്കൂട്ടത്തിലെ സെലിബ്രിറ്റികളുടെ പ്രതികരണങ്ങളാണ് ഏറ്റവും രസകരം. 'നിങ്ങളുടെ മുഖത്തെ ആ ചിരി'-എന്നാണ് നടി റിമ കല്ലിംഗൽ ചിത്രത്തിനടിയിൽ കമന്റ് ചെയ്തത്.
അതേസമയം, നടൻ വിനയ് ഫോർട്ടാകട്ടെ 'മച്ചാനെ ഇത് പോരെ അളിയാ'- എന്നാണ് ചോദിക്കുന്നത്. സൗബിൻ ഷാഹിർ, മുഹ്സിൻ പരാരി, ജിനു ജോസഫ് എന്നിവരും ചിത്രത്തിനോടുള്ള തങ്ങളുടെ പ്രതികരണങ്ങളുമായി എത്തിയിട്ടുണ്ട്. തന്റെ ഒരു ചിത്രം അടുത്തിടെ പങ്കുവച്ചതിന് ചെമ്പൻ വിനോദ് കടുത്ത സൈബർ ആക്രമണം നേരിടേണ്ടി വന്നിരുന്നു. തുടർന്ന് താരം ഈ ചിത്രം പിൻവലിക്കുകയായിരുന്നു.
content details: chemban vinod posts his picture with sunny leone.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |
![]() |
Lorem ipsum dolor sit amet consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. |
We respect your privacy. Your information is safe and will never be shared. |